Межинаро́дный де́нь борьбы́ за права жен (), повна назва Межинаро́дный де́нь боротьбы́ за права́ же́н і межинаро́дный мир (розолуціёв ОЗН від 1977 року) — є межинароднов датов, яку каждого року сяткуют 8. марца на споминку про културнї, політічнї та соціально-економичнї досягненя жен. Темов сёї даты такойже є рух за людьскі права, выдїляючи права жен, заохочуючи увагу до такых питань, ги полова рівноправность, сексізм, репродуктивнї права тай насилство відносно жен. Межинародный день борьбы за права жен зачав ся як соціалістичноє політічноє сято і є помішаным в културі вецерных держав, майнавперед в Европі, особливо в соціалістичному блоцї. В плынутї 20 стороча він сятковав ся в СССР тай державах соцтабору ги державноє сято. Межинародный день борьбы за права жен є майзначущым із феміністічных сят.
Первый раз сятковало ся 28. фебруара 1909 року в США за ініціативы соціалістичної партії Америкы як «Національный день жены». Слїдуючого року, одушевлёнї американскым взором, участницї Другої межинародної соціалістичної женської конференції в Коданї вырішили каждый рік за взором Межинародного дня труда сятковати «День жен», присяченый майнавперед борьбі за достаня женами выборных прав.Second International Conference of Socialist Women стр.21 19. марца 1911 року в Австро-Мадярщинї, Данії, Нїмещинї тай Швайцовы первый раз удїяв ся женськый день, якый в плынї слїдуючых дакількых років сятковав ся в розличнї днї вкінци фебруара ці на зачатку марца. Із зачатку 1920. років у Совітскому Союзї утвердилась дата 8. марца, затым, шо іменно в сесь день 1917 року з демонстрації роботниць зачалася Фебруарна револуція. Відтогды день сятковав ся переважно в державах «совітского блоку»Rochelle Goldberg Ruthchild, «From West to East: International Women's Day, the First Decade», Aspasia: The International Yearbook of Central, Eastern, and Southeastern European Women's and Gender History, vol. 6 (2012): 1-24., закы ёго у 1967 роцї не взяли на вызброєня феміністкы другої волны.Temma Kaplan, «On the Socialist Origins of International Women's Day», Feminist Studies, 11/1 (Ярь, 1985) 1977 року, за совітскої ініціативы, резолуціёв Орґанізації Зъєдиненых Націй достав статус межинародного дня.
Зазнчачкы
Одкликаня
8 Березня в Україні та світі: справжній сенс свята та його відмінність від стереотипів про «жінок і красу» Офіційна сторінка ініціативи IWD (International Women's Day [Архівовано 27. фебруара 2011 у Wayback Machine.] Кітчові совітскі летучкы до 8. марца [Архівовано 9. марца 2012 у Wayback Machine.] Історична правда Катеґорія:Меджинародны днѣ ОЗН Катеґорія:Статя написана верьховинськым діалектом