Hearts of Iron IV () є компютерна бавка в жанрови ґлобалної стратеґії, розроблена шведськов студійов Paradox Development Studio и выдана компанійов Paradox Interactive. Реліз бавкы удбыв ся 6. юня 2016 рокуParadox Interactive reveals release dates for Hearts of Iron IV and Stellaris.
Бавковый процес Hearts of Iron IV — продовжіня Hearts of Iron III и четверта бавка из серії відеобавок Hearts of Iron. Як и передущі бавкы серії, Hearts of Iron IV заострує ся на Другуй світовуй войні. Бавляч годен взяти пуд своє веденя хоть-котру державу на Земли, єствовавшу пуд час єдного из сценарію, и привести єї до побіды авадь пройграша у войні против другых держав авадь цілком здержати ся уд участи у войніSteer Your Nation Through the Greatest Conflict in Human HistoryСторунка Hearts of Iron IV.
Бавка обсягат період Другої таліано-ефіопської войны, Домової войны в Шпанєлі, Домової войны в Китаї, Другої японо-китайскої войны, Зимньої войныExpansion - Hearts of Iron IV: Arms Against Tyranny, Другої світової войны, Перуано-еквадорскої войныParadox / Steam — Developer Diary: The Peru-Ecuador Conflict.
В бавці єствує два сценарія — два вырушні пункта: 1. януара 1936. року и 14. авґуста 1939. року— и дві путі бігу подій: неісторична (державы бдут выбирати якусь путь из доступных) и історична (державы бдут слідовати історичнуй хронолоґії).
Розозначнов особеностьов бавкы є націоналні фокусы. Йдучи по дереву націоналных фокусу, бавляч дустає націоналный дух, котрый дає даякі бонусы про державу, авадь пудпору в промыслі, зглядованях вадь ціль войны против другої державы. Дакотрі фокусы взаимноуднимаючі. Грубі державы (СССР, Франція, Націстічна Німещина, Італія, Великобрітанія, США, Японія) мавут свої унікалні дерева фокусу. Куповані а даколи безплатні доповніня давут унікалні дерева щи й про другорядных держав. Айбо у булшости малых держав ниє унікалных націоналных фокусу, місто того державы мавут стандартноє, універзалноє дерево фокусу.
Позеравучи на выбор бавляча держава годна мати єдну з сьых ідеолоґій: демократію, комунізм, фашизм вадь невтралітет. В сценарійови 1939. рока у держав уже сут пройдені фокусы, позад чого даколи не мож поміняти ідеолоґію. Невтралні и демократичні державы годні обявити войну в трафункови, кой мавут ціль войны уд фокуса, бо обоснововати ціль войны уни можут лем кой высокый уровинь світової напнутости.
Приймованя +РецензіїАґреґаторОцїнкаGameRankings80,23 %https://web.archive.org/web/20191209013023/http://www.gamerankings.com/pc/758717-hearts-of-iron-iv/index.htmlMetacritic83/100https://www.metacritic.com/game/pc/hearts-of-iron-iv«Критиканство»85/100https://kritikanstvo.ru/games/heartsofiron4/GameSpot8/10https://www.gamespot.com/reviews/hearts-of-iron-4-review/1900-6416452/GameStar81/100https://web.archive.org/web/20170619153725/http://www.gamestar.de/spiele/hearts-of-iron-4/wertung/50515.htmlIGN9/10https://www.ign.com/articles/2016/06/06/1558481PC Gamer (US)88/100https://www.pcgamer.com/hearts-of-iron-4-review/Polygon8/10https://www.polygon.com/2016/7/19/12215976/hearts-of-iron-4-review
Зазначкы
Одкликаня Hearts of Iron IV — офіціалный сайт Hearts of Iron IV
Катеґорія:Статя написана верьховинськым діалектом Катеґорія:Компютерні бавкы