Занґіла́ньскый райо́н авадь Занґіла́н () (арм. Զանգելանի շրջան) (рус. Зангеланский район) — адміністративно-територіална єдениця у юго-западнӯв части Републікы Азербайджан, де-факто район быв узятый пуд контроль армяньскыми силами осінёв 1993 року у ходови Карабаського конфлікту и до адде контроловав ся непризнаныв Нагорно-Карабаськыв Републіков. Согласно до адміністративно-територіалного діленя НКР, територія Занґіланьского района уключена у состав Кашатазького района. Факт окупації Занґіланьского района признано и осужденл резолуціями Рады Безопасности ОЗН №884 уд 12 новембра 1993 року https://web.archive.org/web/20110503185053/http://www.un.org/russian/documen/scresol/res1993/res884.htm и Ґенералной Асамблеї ОЗН №62/243 уд 25 апріля 2008 року , у якых, изокреме, пудтверждено територіалну цілоту Азербайджана и суть трібованя уведеня армяньскых сил.
Адміністративный центр – варош Занґілан.
Ґеоґрафія Занґіланьскый район находить ся на юго-западови републікы, на север уд рікы Аракс, граничить из Арменіёв тай Ираном.
На території района у основному представлено мезозойськый рельєф, шырены ґрийдяні, вулканічні и осадочны породы. Обстанкы Юрьского и Ґрийдяного періодӯв, шырені на горных територіях, принадлежать до періода 150-200 тыс. рокӯв тому. На території є вершины Барбар и Салафір (2270 м), ися горна гряда переходить у Аракську ущілину поблизь Аґбенда, Веґналі. Як ити на села Собу-Топ-Даллаклі – друга гряда, што начинать ся из Шукуратазькой высочины и пускать ся ближе до Аракса.
Територія района богата на хосенні копалины: молібден, золото, мурничі матеріалы, вапняк и т.д.
Історія
У Середнёвічёви провінція Ковсакан была відомішою пуд назвою коіпости Грхаму, што была там.
Пуд час опреділеня границь советьскых републік у состав Капаньского району Аомяньской ССР войшла леш волость Ачанан, и леш западна часть была уключена у состав Арменії, а выходні, майсприятливы території войшли у состав Азербайджаньской ССР. Туй у 1930 році было сотворено Занґіланьскый адміністративный район.
29 окто̄вбра 1993 року район перейшов пуд контроль армяньскшх вооруженых сил.
На території района находять ся історичні памняткы, што охранявуть ся державов: у селі Хаджіаллы — кругова вышка, у селі Мамедбейлі — восьмиуголна гробниця Яхъї ибн Мухаммада аль-Хаджа (1304—1305) .
Удкликованя
На сайтови Azerbaijan Катеґорія:Районы Азербайджана Катеґорія:Азербайджан Катеґорія:Основаны 1930