Буй на Красному поли () ся удбыв 16. марця 1939. року коло Хуста межи частями Карпатської Січі и Мадярськыми ґонведами. Битку уйграли мадярські воякы. Подля Андрія Пушкаша, тото быв майкровопролитный буй за вшытку мадярську кампанію на пудступі ид Хустови. Дані мадярськых архівув, наведені И. Гранчаком у „Очерках истории Закарпатья“, свідчат, ож из 4 тысяч чоловік, котрі участвовали в бою з бока Карпатської Украйины — січовикув, демобілізованых из чеської армії місных бывателюв, штудентув хустської ґімназії тай севлюського педаґоґічного інститута и другых доброволцюв — 230 были убиті у бою, многі ранені тай 450 трафили до мадярського полона; из мадярського боку умерли 160 вояк тай дас 400 были ранені.
У днешнюй украйинськуй історіоґрафії буй на Красному поли символізує украйинськый героїзм; позад нього ориґінална назывка локації, Красноє поле (т. є. „файноє поле“), стала ся трактовати ги „черленоє [уд кырве] поле“.
Дідузнина Коло с. Рокосово є меморіалный парк „Красне поле“. На честь героюв бою названый Закарпатськый обласный ліцей-інтернат из посиленов воєнно-фізичнов пудготовков. У с. Рокосово улицю Вакарова переназвали на Героюв Красного поля.
Референції