Италийскый полуостров ( penisola italica ай penisola italiana) простерать ся од южного передгоря Алп на сѣверѣ до централной части Середоземного моря на югу и включать континенталну часть сучасной Италии (99.9531%) и енклавны микродержавы Сан-Марино (0.0466%) ай Ватикан (0.0003%). Третий найвекшый на югу Европы полуостров (149 тыс. км2) по Иберийскому (595 тыс. км2) на западѣ а Балканскому (505 тыс. км2) на востоку.Трёшников А.Ф.Italian Peninsula
Инша назва — Апеннинскый полуостров, походить од горского пасма Апеннины, што ся тягне вздовж цѣлого полуострова, творячи его осьову линию. В обычайной бесѣдѣ часто ся хоснують назвы Полуостров Италия, Континентална Италия; прозывка Италийскый чобот, циже.понятя „Италия“ а „Италийскый полуостров“ ся хоснують як синонимы. В том припадѣ розумѣе ся, же Сѣверна Италия (на образчику змапована зеленов) мать быти вылучена зо зложѣня Италийского полуострова, так само, як и островна часть Италии.Vocabolario Treccani, PeninsulareDe Agostini Ed., L'Enciclopedia Geografica - Vol. I - Italia, 2004, p.78Touring Club Italiano, Conosci l'Italia - Vol. I: L'Italia fisica, 1957
География Полуостров ся затинать до Середоземного моря на 1100 км. Омывають го Ядранске, Тирренске, Йонске и Лигурске моря. Берегы му почленены слабо, лем в южной части почлененя векшать (полуостровы Калабрия, Салентина, Гаргано). Майже цѣлый полуостров занимають горы Апеннины (найвысша гора Корно, 2914 м), окрем долины рѣкы По на сѣверѣ, котра е ровнинна. Уздовж восточного и западного побережий тягнуть ся узкы смугы грункастых ровнин. На юго-западѣ — район вулканизма (Везувий). Клима субтропична средоземноморска, з горячым лѣтом и слотавов стытков зимов. Рѣкы курты, влѣтѣ силно мѣлѣють.
Жерела и одказы Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— Стр 35 из 592.
Референции
Катеґорія:Полуостровы