В 13.–16. сторочах были створены в значном числѣ новы осады, в зачатку переважно в Ардялѣ и на Балканах на горскых териториях, де скотарили румынскы кочовы пастыре овець (валахы). В такых районах статок влѣтѣ ся пережене на горны пасла, а взимѣ ся верне в долины (ци на стайняный выкорм). Поступно число так газдуючых родин выростало и розширили ся на Восточны и Западны Карпаты, Подкарпатску Русь, Словакию, Моравию, аж и на Галичину.Иван ПопOrtutay Gyula
Про так створьованы осады быв выробленый комплекс правных норм, што достав назву валашске право (, ), хоть в том припадѣ слово vlach уже означало не народ, але занятя, способ газдованя, так же были межи тыма осадниками люде розличных народностей. Найвеце характерны были такы нормы: дѣдичне право суда над осадниками доставав шолтис (биров), што заложив осаду, а котрый сам одповѣдав перед землепаном и кральовскыма судами; од наложеной кары третина ишла шолтисови, а двѣ третины село могло обернути на свою потребу; десятина од продукции села ся однимала як сполоченска повинность; пятьдесятина од выгодованого статку ишла кральови. Села на валашском правѣ взникали зазвычай там, де природны обстояня не были добры про земледѣлство. В 15.–16. сторочах обывательох такых осад называли валахами, независимо од их народности.
Валашска колонизация выразно звекшила продукцию скотарства. Валахы были привилегованым обывательством: не служили подданскы роботы, але намѣсто того мали сповняти военску службу на вартѣ своих територий и штатных границь. Валашскы села на зачатку были ослободжены од всякой феодалной повинности на час од 6 аж до 20 рокы, а по уплывѣ того часу платили дань землепанови и кралю.Osídľovanie SlovenskaФедір Ковач
Жерела
Osídľovanie Slovenska v 14. – 16. storočí (zákupné a valašské právo) (файл .doc по словацкы) Федір Ковач: Волоське право. // С. 73.
Референции
Катеґорія:Право Катеґорія:Середновік