Полéдіця (поледовíця, чóрный лед,) є тонка верства леду на земскім поверьху, котрый ся творыть по доджу або отеплїню при знижованы теплоты; тыж проглядна верства леду, котра взникать в дослїдку замерзнутя капок дрібного доджа або доджа на поверьху земли або предметів при теплотї од 0 до -6 °C.
На взник поледіцї є потребна зміна теплоты, протоже при плусовых теплотах вода не замерзне, а при тырвалых мінусовых теплотах вода замерзне іщі во вздуху і выпадають в формї снїгу і крішталічного наморозу. Подмінкы потребны на взнику поледіцї ся звычайно находять при змінї погоды (охолоджены) в дослїдку роздїлу меджі деннов (над нулов) і ночов (під нулов) теплотов, при мінусовых теплотах в близкости (або на) не замерзнутых водных плохах (замерзають капкы одфукнути вітром з поверьху воды).
Поледіця способує значны шкоды, в дослїдку чого ся значно згіршує адгезію колес транспортных средстев к поверьху дорог, што значно звышує чісло карамболів і змушує райтовати низшов швыдкостю. Великы шкоды способує поледіця на морї — комбінація силного вітра і морозу на незамерзнутім морї веде к замерзнутю вшыткого, на што допадають капкы, грубов верствов леду, што може даколи вести аж к перевернутю шыфы, котрых єден бок є покрытый грубов верствов леду.
Позначкы
Референції