Прапор меджіславяньского языка () є головным і найчастїше хоснованым сімболом меджіславяньского языка. Є діоґонално роздїленый на штири поля єднакой великости, граніцї меджі котрыма мають форму лежачого (Андріївского) хреста, а обсягує славяньскы фарбы (синїй, білый і червеный), як ай жовтый, представлюючі "новы" языкы, як україньскый, кашубскый і слезьскый. Одношіня прапора є 2:3 (дві єдиніцї высоты на три єдиніцї довжкы), хоць даколи ся тыж обявує в формі квадрата (1:1). Тоты штири триуголникы мож інтерпретовати як стрїлкы указуючі до самого центру: міста, де ся меджі славяньскыма языками находить меджіславяньскый. Прапор быв предложеный так, жебы быв простый, привітный, фаребный і унікатный, але єдночасно несе правилны конотації і не вызерать як жадный екзістуючій народный або політічный прапор.
То, же штучны языкы мають прапоры – часто припоминаючі штатны прапоры – мають довгу традіцію. В роцї 1905 першый світовый конґрес есперанта встановив зелено-білый прапор языка есперанто, розвинутый уж в роцї 1893. Много пізнїшых проєктів має тыж прапоры, напр. ідо, новіал, інтерлінґва, словіло і доконця волапюк. Прото было лоґічно, же люде занимаючі ю ся меджіславяньскым языком тыж зачали думати о прапорї. Сучасный меджіславяньскый прапор вывинули в роцї 2006 членове „Словиански форум“ про славяньскый язык; по дакількых неуспішных спроб створити прапор, котрый бы выражав натуралістічный характер языка, ю предложыв член з тогдышнёй Македонії, днесь называной Северной Македонії. Кедь ся славяньскый і новославяньскый злучіли до днешнёго меджіславяньского, автоматично ся став ёго прапором.
Референції
Вонкашнї одказы The Interslavic flag. ŠTO JE MEĐUSLAVENSKI JEZIK? Тоты даны суть часточно або цалком основаны на перекладї статї Horugva medžuslovjanskogo jezyka на меджіславяньскій Вікіпедії во вікі-інкубаторї
Катеґорія:Меджіславяньскый язык