1.Kla$ (реалне мено Артём Алекса́ндровіч Франк, ; , Ґубаха, СССР) є нїмецькый російскоязычный репер і бітмейкер.
Знамый є ай під менами Erste Klasse, Firstclass, Первый Класс. Є знамый тым, же во своїх піснях поужывать помірно велике множство вулґарных выразів. Колишнїй член ґрупы Rap Woyska і умелецького здружіня Optik Russia. Поважує ся за єдного зо закладателїв реп баттлу в російскім языку в Нїмецьку і на теріторії Сполоченства незалежных штатів. Ёго принос про музику оцїнило много знамых особностей.
Жывотопис Народив ся 1. децембра 1983 в російско-нїмецькій родинї в містї Ґубаха, в селищі містьского тіпу Наґорньскій в Пермскім краю.
В роцї 1994, кедь мав Артём 10 років, еміґровав вєдно з родинов до Нїмецька у рамках проґраму про переселенцїв. Артём не є женатый, веде скромный жывот і робить як соціалный педаґоґ в дїтьскім домови, де помагать проблемовым дорастаючім. Заставать конзерватівны погляды. Артём і ёго брат ся присвячують музицї уж од раннёго дїтства. Практічно не поужывать соціалны сїти і обходить ся інтервю.
Творчость і музичный штіл New Krew (1998–2000) Подля ёго зрїдкавых інтервю, цїлком першы трекы „Первый Класс“ награвав в молодежнім центрї в Ротенбурґу на Вюмме зо своїм старшым братом Євґеніём у рамках ґрупы X-Sector. В роцї 1998 ся їх композіція дістала на музичный компілат „Наше время пришло“ од East Level. Пізнїше ся Артём споїв зо своїм приятелём Іваном Махаловым (M.Mecker, пізнїше знамый як Czar) і створили дуо „New Krew“. В роцї 2000 ся оба брали участь в конкурзї „Live in Bremen“, де обсадили перше місто і здобыли цїну в подобі компактного діску, як ай 4000 нїмецькых марок, котры інвестовали до награваючого штудія в молодежнім центрї. В роцї 2001 году Артём дістав на компілачне CD „Hip Hop Attack Vol. 2“. О їх успіху во віку 16 років писали нїмецькы часописы і новины.
Divers (2001–2006) По перемозї в конкурзї молодых інтерпретів хлопцї заложыли ґрупу „Divers“, до котрой належили ай Number Ron і DJ Majin. Награли множство сполочных пісень, але через конфлікты ся ґрупа розпала. Потім Артём і Іван в роцї 2005 награли і выдали свій першый албум як дуо в нїмецькім языку з назвов Weiß Blau Rot (з одказом на тройфаребный прапор Росії), на котрім сами продуковали класічны семплы і підклады, технічно реповали в баттл штілї і доконця „дісовали“ своїх колишнїх колеґів. В Росії їх в тот час практічно нихто не знав. Перша популарность пришла к Артёмови по выданю компілації в російскім языку „Сукины Дети“ в роцї 2006 (одказ на рівноменный філм Леоніда Філатора – Сукины Дети). Музичный штіл 1.Kla$ ся вызначовав аґресіёв, єднак в ёго ранніх дїлах мож найти ай танечны піснї і лірічны композіції. Іщі векшу славу му приніс першый соловый албум „Х*й в рот Стайлс“, котрый вышов концём децембра 2006 на інтернетї на сторінцї Russian-town.com. Дізайн обложок створив знамый умелець TNG. Плановало ся выданя на фізічных носічах, але через піратство ся то не вдало. На тім албумі была послїднїй трек Артёма в нїмецькім язык; потім зачав награвати реп вылучно в російскім языку. Подля крітіків были тоты албумы про російскый гіп-гоп той добы унікатно: в тім часї іщі не екзістовали албумы повны дісів і твердого прояву в російскім языку. На ранню творчость інтерпретів мали вплив такы ґрупы і інтерпреты як: „Красная Плесень“, „Сектор Газа“, „Suprême NTM“, N.W.A, „Kool Savas“, 2pac, Notorious B.I.G. і многы далшы. Пізнїше творчость 1.Kla$ значно вплинула на російскоязычну гіп-гопову сцену – передовшыткым баттл реп і Versus Battle. Ёго штіл (прямый прояв, провокатівны тексты, притиск на конфронтацію) ся став взором про цїлу ґенерацію інтерпретів.. Умелець мать єднак ай не мале чісло крітіків, котры не мають любов к неморалному репу і вулґарізму. Артём майже нїґда не снажив о комерчный успіх: ёго трекы cя шырили задарьмо і албумы выходили без пропаґачных кампани.
Rap Woyska (2007–2010) В роцї 2007 выдав 1.Kla$ вєдно з Czar'ём албум „Твою Мать“ в штілї Motherfucker-реп, котрый послухачі прияли з інтересом. В тім істім роцї 2007 ся Іван на соціалній сїти Myspace зознамив з репером Schokk'ом, з котрым пізнїше награли свій першый сполочный трек. Пізнїше Іван представив Артёма Дмітріёви і предложыв му, жебы ся припоїв к ґрупі Rap Woyska, котрой частёв были спочатку лем двоє інтерпреты. Rap Woyska награвала сполочны сінґлы з іншыма музикантами з Нїмецька, Росії і Україны. Тріё Rap Woyska не выдало жадны сполочны албумы, але мало властну вебову сторінку, множство сполочных треків і концертів. Єден з треків – „Ван Гог“ – зазвучала на телевізії НТВ в інтервю з Czar'ём. Ґрупа ся прославила своїма конфліктами і біфами. Реперы велё концертовали по Нїмецьку, де выступали в клубах перед російскоговорячов публіков.„1. Kla$ і Czar (закладателї ґрупы Rap Woyska, ку котрій ся пізнїше придав Schokk) выростали на нїмецькій реповій сценї. Такый реп – повный аґресії, уражок і вулґарности – ся в Росії называв „баттл“. З єдного боку є то дивно, протоже „баттл“ ся часто одогравав якбы з никым, проти невидимому опонентови. Але слово ся прияло. З другого боку ся ту неменше охотно складали дісы на реалных людей. І російска діаспора меджі собов дуже голосно конфліктовала.“ – Пише о тім часопис The Flow.
Optik Russia (2008–2010) В роцї 2008 ся Артём зознамив з репером I.G.O.R. і бере участь на мікстейпї Optik Russia – „Приятного Аппетита“ і на лонґміксї „Взрыв“. В роцї 2009 тыж бере участь на компілації російскоговорячіх реперів в Нїмецьку з назвов „Optik Russia – New Russian Standard“, котра вышла на КД. Артём ся тыж обявив во своїм першім і єдинім відеокліпі – NRS, котрый ся дістав до номінації „Лучшее Хип-Хоп Видео 2009“ подля порталу hip-hop.ru. Сам албум быв награный під веджінём популарного нїмецького репера Kool Savasa, котрый в тім часї властнив выдавательство „Optik Records“. Пізнїше ся тото здружіня розпало через фінанчным проблемом і дослїдком світовой господарьской крізы.
Послїднї албумы. Розпад RW (2009–2012) В роцї 2009 вышов Артёмів другый соловый албум з назвов Sieg Kla$, котрый быв выданый на дісках в накладї веце як 1 000 копій. Тот албум ся дістав до номінації „Лучший Хип-Хоп альбом 2009“ на hip-hop.ru. О півночі 31. децембра 2011 вышов послїднїй сполочный албум з Tsar'ём з назвов „Твою Мать 2“, котрый быв выданый на дісках в накладї веце як 2 000 копій. Тото было продовжіня першого албуму і публіка привитала тото выданя з захопленыма одзывами. В роцї 2012 ся на інтернетї обявив выбер неопублікованых і старшых треків в нїмецькім языку з назвов Divers est.1999. Спочатку ся плановало, же албум „Твою Мать 2“ выдають в тройцї зо Schokk'ом, але ґрупа ся в роцї 2010 розпала через внутрїшнї конфлікты і незгоды. Потім ся 1.Kla$ на 7 років одышов од музикы через недостаток мотівації (хоць в роцї 2012 награв єдну строфу про промо трека з Tsar'ём, „Газпром“, де прочітав рядкы: „Чё вы ждёте мой comeback? Ну, ты знаешь, что у меня тяги возвращаться нет“. Тым припомнянув послухачам, же затля не мать желаня робити реп). Czar і Schokk ся єднак по конфліктї выдали своёв властнов творчов дорогов. Хоць о дакілько років пізнїше ся Іван і Дмітрій змірили і по новім выдуманім конфліктї зачали „дісовати“ Артёма.
Навернутя к музицї (2019) 7. марца 2019 ся Артём 1.Kla$ про вшыткых несподївано вернув на музичну сцену з новым сінґлом „Не Интеллектуал“. Фанушици довго вірили, же „завершыв карьєру“. Музичны комуніты на соціалных сїтях і відеоблоґеры горячо привитали навернутя 1.Kla$'а до світа гіп-гопу. Непозераючі на павзы в карьєрї зіставать 1.Kla$ култовов поставов про фанушиків андерґраундового репу.
Перед пара днями ся на інтернетї обявила пісня „Не интеллектуал“. Єй автора, Артёма „1.Kla$“ Франка, называють майже хрестным отцём баттл репу в російскім языку. Пісня, котра є ёго навернутём по восьмых роках мовчаня, ся стала предметом діскусії нелем меджі послухачами, але ай меджі колеґами репера. – Пише о тім часопис The Flow.
В роцї 2019 вышло іщі дакілько сінґлів („После грянул шторм“, „На все сто“, „До конца своих дней“), по чім ся Артём зась на майже 4 рокы вытратив з музичной сцены.
Од року 2019 Роскомнадзор не єден раз блоковав дакілько треків, на котрых ся брали участь 1.Kla$ і Rap Woyska.
Sieg Kla$ Label и ДСХХ (2023 – по н. в.) В роцї 2019 Артём зась на дакілько років счезнув з музичной сцены. 1. септембра 2023 Oxxxymiron выдав відеокліп-трібют з назвов 1.Kla$, в котрім проявив почесть Артёмовій творчости, кедьже мав великый влпив на репову сцену. Така честь і решпект од колишнёго колеґы підбурили 1.Kla$'а к навернутю до музичного світа і к навернутю сполочного трека з Oxxymiron'ом на єднакім бітї з назвов „1.Kla$ Part 2“. Тот сполочный трек ся дістав на popredné міста гітпарад: на YouTube Music, як ай в домашнїх гітпарадах VK і „Яндекс Музыка“.
В роцї 2023 ся ґрупа 1.Kla$ зась тїшыла великій популарности вдяка мешапам і управам піснї к серіалу „Слово пацана. Кровь на асфальте“. Фанушици зачали масово створёвати відео зо серіалу з піснёв 1.Kla$ – „Сукины дети“, вдяка чому ся стала неофіціалным саундтреком к серіалу. В дослїдку того ся трек вышов до гітпарады і став ся вірусным, хоць быв выданый уж в роцї 2006. Пісня „Сукины Дети“ ся дістала до домашніх ай загранічных гітпарад, в тім чіслї гітпарады „Shazam“, Spotify і світовой гітпарады „Genius“. В роцї 2023 ся творчость 1.Kla$'а стала терчом вовны выужываня невроновых сїтей на награваня фалошных пісень з ёго голосом, створеных з помочі умелой інтеліґенції, і прото ся розшырили фалошны новины о тім, же новы трекы якбы награвать дахто іншый. В золотій ерї баттл репу (2000. рокы) ся трекы умелцїв шырили піратьскыма каналами, пізнїше єднак были права на їх стрімованя офіціално ліценцованы.
В роцї 2023 Артём вєдно зо своїм братом Євґеніём заложыли новый лейбел Sieg Kla$ і в сполупрацї з російскый лейблом ДСХХ зачали зарабляти на музицї на діґіталных платформах. На многых платформах чісло слухань перекрочують міліоны. З таков мотіваціёв ся Артём в роцї 2024 зась рїшыв вернути ся к репу. Першый трек, котрый выдав, быв „Чёрный Гранит“, награна з нїмецько-білоруськов інтерпретков kraenkova. Пізнїше, на концї рока, вышли соловы композіції „Кровавый Спорт“ і „Антигерой“. На офіціалнім YouTube каналї інтерпрета быв опублікованый анімованый відеокліп к треку „Кровавый Спорт“, котрый быв пізнїше заблокованый на основі пожадавок леґіслатівы Росії. В януарї 2025 выходить трек „Бурдж-Халифа“, награный з Нїмцём Number Ronom. В апрілї 2025 выходить соловый трек „Миста Биг Дик“. Кус пізнїше выходить радіовый ремікс трека „Я тебя никому не отдам“ од Silver Ace. В тім істім роцї ся на інтернетї обявує дотеперь невыданый трек „Titel 4 от Divers“. 5. децембра 2025 выходить сполочный трек з московсков ґрупов Цинк Уродов з назвов „Табор заходит в гетто“.
В фебруарї 2026 выходить ремікс трека „Бурдж-Халифа“. 11. марца є на Вікіпедії опублікована актуална статя о музикантови. 13. марца выходить сполочный трек з інтерпретков Kraenkova з назвов „Love Russia“. 17. апріля выходить соловый трек під назвов „Первый навсегда“ і 24. апріля відеокліп з артістами к тому треку. 15. мая выходить трек „Легенда“ в сполупрацї з міньсков ґрупов H8.HOOD. 12. юнія выходить соловый трек „Сука“, цензурована верзія ся кличе „Уходи“. В офіціалных комунітах умелця были оголошены новы дїла, як ай продукты і мерч.
Оцїнїня і номінації / Уміщіня в музичных рейтінґах і гітпарадах 2000 – переможець баттлу на жывім выступлїню „(Live in Bremen). National Hip-Hop Fest“. 2009 – номінація на албум і компілацію рока у рамках „Hip-hop.ru Awards“. 2009 – номінація на відеокліп рока у рамках „Hip-hop.ru Awards“. 2011 – переможець публіічного голосованя на „Plusok.ru“. 2012 – албум „Твою Мать 2“ ся на порталї „Hip-hop.ru“ дістав до топ 10 подля чіслу коментарїв і зображінь. 2019 – трек „Не Интеллектуал“ ся дістав до топу VK Music. 2021 – переможець проєкту „Риса за Творчество“. 2023 – YouTube Music: Гітпарада. Найпопуларнїшы відеокліпы в Росії. 6. місто з треком „1.Kla$ Part 2 з участю Oxxxymiron“.