Сýха () є колишнє село на Словакії, днесь часть села Владыча в Стропківскім окресї Пряшівского краю.
Історія Село є доложене з року 1567 як Зуга (), пізнїше як Суха (, 1773), Сухе (, 1920), Суха (, 1927); по мадярьскы: Szuha (1873), Szárazhegy (1907).
Село заложыли на закупнім праві в роках 1573-1598. Належало панству Маковіця. В роцї 1618 мала 3 порты, в роцї 1715 мала 8 домовых господарьстев, в роцї 1787 мало село 31 домів і 200 обывателїв, в роцї 1828 мала 56 домів і 443 обывателїв. Занимали ся дереворубачством, польногосподарьством і колесніцтвом. В 19. столїтю належыли тутешнї маєткы родинї Владаровцїв. В роках 1890-1900 многы одышли.
Почас першой світовой войны ту были бої. По року 1918 ся заместнаня обывательства незмінило. По року 1945 одходить часть обывателїв за роботов до Чехії. В селї быв лїсопольногосподарьскый завод. Часть обывателїв робила в промысловых подниках в Меджілабірцях, Стропкові, Свіднику, в Кошіцях а інде, часть в лїсах і як пріватны рольници. В роцї 1965 было село припоєне к селу Владыча.
Ґеоґрафія Колишнє село ся находить 21 км на севернім выходї од Стропкова. Лежыть на северї од центра села Владыча. Находить ся на северї выходной Словакії при граніцї з Польском.
Културны памняткы В селї ся находить мурована ґрекокатолицька церьков Вознесїня Господа з року 1886 в новокласіцістічнім штілї, котрый є од року 1963 народнов културнов памнятков.
Жрїдла
Референції
Вонкашнї одказы
Владыча – офіціална вебова сторінка села
Катеґорія:Бывшы населены пункты Катеґорія:Заниклы села Словеньска