Чоловѣк розумный, Homo sapiens, (тыж означованый просто як чоловѣк, а вшиткы люде докопы як людство, што е тыж означѣня цѣлого роду Homo) — единый жиючый днесь вид роду Люде (Homo). Про нього характерне вертикалне триманя тѣла, розумова интелигенция и способность говорити. Означѣня Homo sapiens принюс до биологичной классификации ей отець Карл Линней (Carolus Linnaeus) в року 1758.Encyclopaedia Britannica. Хоть чоловѣк розумный биологично стопроцентно належить царству живины, принципиално одличать ся высоко вывинутым розумом, психологиев, социалным наставлѣньом и духовностьов, дякуючи котрым створив културу, науку, технику, што вшитко загорнюеме до понятя цивилизация.
Еволуция Австралопитек Australopithecus (перед 4-2 млн. рокы) — малпа, котра мала уже даякы антропоидны знакы: выпрощене ходжѣня, хоснованя палиць, камѣньох.Люрин І.Б., Уткін В.С., сс. 112-118. Неандарталець Homo neanderthalensis (перед 150-35 тыс. рокы) — окремый вид, передходник чоловѣка розумного, жив в групах и так мав зачаткы языка, старав ся о хворых и погребав умерлых, знав вырабляти камѣнны и костяны серсамы и зброи, хосновати огень. Кроманьонець Homo sapiens cromagnonensis (Homo sapiens sapiens) (перед 35-10 тыс. рокы) — анатомично еднакый зоз сучасным чоловѣком, знав добывати огень, мальовати, вырѣзати фигуркы, выробляти примитивны музичны инштрументы.
Взник и експанзия
В сучасности майже каждый закуток Землѣ, придатный про людське бываня, заселеный. Подля сучасных представ, основаных на молекуларной генетицѣ, теперѣшны люде походять од общой праматери, котра жила в Африцѣ перед около 200 тыс. рокы.Cavalli-Sforza L. L., Feldman M. W.
В часѣ взнику Homo sapiens люде омного веце были в зависимости од природы и климатичных перемѣн. Около 75 тыс. рокы перед нашым часом стало ся катастрофичне вывержѣня вулкана Тоба на Суматрѣ, по котром настала «вулканична» зима, яку пережили лем даколько десяток тысяч людей в Африцѣ. Тоты люде дале розселили ся по цѣлой Земли, мигруючи з розличных причин, як перемѣна климы, гледаня поживы, утѣканя од неприятельох и др. Перед около 60-50 тыс. роками достали ся до Азии и Австралии, перед 35-15 тыс. роками з Азии до Европы, Сѣверной, а пак и Южной Америкы.Cavalli-Sforza, L. L., P. Menozzi, A. Piazza, с. 156.
Людскы расы
В току розселѣня и приспособлѣня ку новым условиям бываня взникли розличны популации Homo sapiens, котры спозначно роздѣляють ся офарблѣньом кожи, волосьом, формов носа, очи, фигуры ай иншыма генетичныма даными. Тото послужило в 19-20. ст. поводом про вывой розличных теорий о людскых расах. Сучасна наука не мать единого погляда на тот вопрос. В найвекшой мѣрѣ концепцию расы одмѣтують антропологы в США и Канадѣ, в значной мѣрѣ в Польщи и на Кубѣ, умѣрно в Европѣ и найменше ку тому нахыльны в России и Китаю.The Race Concept in Six Regions: Variation Without Consensus.
Хоть понятя людскых рас надале екзистуе, оно мать быти предметом антропологии, в биологичной таксономии ся не бере на увагу. Про подвиды (subspecies) е важным условием изолованость популации, што в сучасности е про род Homo нереалне. Напротив, переважным трендом е перемѣшованя рас. Про то ся поважуе, же з биологичного погляду пробы дефиновати и реанимовати концепцию рас суть неприятельны и марны.
Жерела и одказы Cavalli-Sforza L. L., Feldman M. W. The application of molecular genetic approaches to the study of human evolution. //Nature genetics, 2003, v. 33, pp. 266—275. Cavalli-Sforza, L. L., P. Menozzi, A. Piazza. The History and Geography of Human Genes. Princeton University Press, Princeton. 1994. . Люрин І.Б., Уткін В.С. Як розвивалось життя на землі. 2-ге ви. К.: Рад. школа, 1983. 119 с. Homo sapiens. //Encyclopaedia Britannica. The Race Concept in Six Regions: Variation Without Consensus. //Collegium antropologicum, Vol.28 No.2 Prosinac 2004.
Референции
Катеґорія:Зоолоґія Катеґорія:Чоловік розумный