Львів, по підкарпатьскы Львув або Ильву́в ( ) є місто на западній Українї, адміністратівный центер Львівской области, Львівского раёну, Львівской містьской громады, народный, културный, школьскый і научный центер країны, великый промысловый центер і доправный вузел, поважоване за сучасне головне місто на Галічі і головне місто западной Україны. Творить Львівску аґломерацію. Подля чіслу обывателїв є пятым найвекшым містом в Українї (717 273 обывателїв ку 1. януару 2022).Статистичний збірник «Чисельність наявного населення України» на 1 січня 2022 року PDF
Львів заложив краль Данило приближно в роках 1231—1235 (перша споминка з року 1256). Около року 1272 місто ся стало головным містом Руського кралёвства (Галічско-волыньского князївства). По смерти князя Юрія II. Львів на веце четыри стороча під владов Польского кралёвства. В роцї 1356 місто дістало Маґдебурьске право; в середновіку быв Львів важным торговым центром. Почас австрійской влады ся місто стало центром україньского і польского народного повстаня. По розпаду Австро-Угорьска восени 1918 быв Львів дакотрый час головным містом Западоукраїньской народной републікы, але по україньско-польской битвы за місто в новембрї 1918 припадав Польску, котрый ёго вызнали на основі меджінародных пактів і договорів в роках 1922—1923. Почас Другой світової войны місто обсадив Совєтьскый союз і нескоро Нїмецько. По войнї была правно узаконена Ялтьска догода з року 1945, подля котрой Выходный Галіч і также Львів обстав частёв Україньской ССР. В роцї 1946 меджі Польском і Україньской ССР быв проведженый обмін обывательства, котрый вєдно з наслїдками войны значно вплинув на обывательство Львова. Од року 1991 Львів є частёв Україны.
Історічный центер Львова занесеный до списка Світовой дїдовизны ЮНЕСКО. Місто має найвекше чісло архітектурных памняток в Українї.Історико-культурний потенціал Посольство України в Фінляндській республіці В роцї 2009 быв Львову наданый тітул Културного головного міста Україны.BBC: Львову присвоєно статус культурної столиці України BBCUkrainian Місто ся періодічно засїдає на ведучіх містах у рамках турістічного годнотіня.Події 2009 року, що змінили Львів. Офіційний портал Львівської міської радиТОП-10 вікендових міст Європи. Львів — третій KAVA.lviv.uaЛьвів — третій у рейтингу стратегії залучення прямих іноземних інвестицій zaxid.net
Референції
Катеґорія:Міста Україны Катеґорія:Львівска область Катеґорія:Населены пункты Львовской области