Ня́ґів () — село на Словеньску в окресї Меджілабірцї. Лежыть в оддалїню 5 км од Меджілаборцёх и мать статус русиньского села.
Ґеоґрафія Село ся находить в Низкых Бескидах в горскім масіві Лабірьска Верьховина, в долинї Няґівского потока в басейнї рїкы Лаборець, прямо за граніцями Охраненой краєвой области Выходны Карпаты, недалеко од штатной граніцї з Польскомв. Центер села лежыть в надморскій вышцї 374 м н. м. і од Меджілабірцїв є оддаленый на 5 км.
Сусїднї села суть Меджілабірцї (окресы Меджілабірцї і Выдрань) на северозападї і северї, Полата на северовыходї і выходї, Чабалівцї на юговыходї і Красный Брід на югу, югозападї і западї.
Історія Первый письмовый споминок ся датує роком 1543, в документах родины Друґетів, і втогды належало Гуменьскому панству; іщі є спомянуто в 1557. роцї. Селяне ся занимали земледїлством, скотарством, роботами в лїсї, фурманков. В роцї 1793 высвячена барокова церква.
Перед заложіням самостатной Чехословакії в роцї 1918 Няґів быв частёв Земпліньской жупы в рамках Мадярьского кралёвства. В роцї 1935 была выставлена закладна школа, што фунґовала до року 1992, коли скончила свою функцію через недостаток дїтей. В роках 1939–1944 Няґів быв частёв Словацькой републікы. Дня 29. октобра 1944 Червена армада вытїснила Вермахт з Няґова, і село знову стало частёв Чехословакії.
Дале зостають в селї бібліотека, културный дім, фолклорна ґрупа „Заруба“.
Обывательство
+Обывательство подля народности (2011):Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-26.Народностьчол.%Русины24556,2Словаци15736,0Ромы92,1Українцї10,2Остатнї10,2Нестановлены235,3Цїлково436
Русиньскый язык за материньскый означіли 348 жытелїв (79,8%).Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-26.
Вызначны родаци Василь Караман (1903–1961), русиньскый політік русофільской орьєнтації. Михайло Кудзей (1923–1973), сполоченьскый дїятель.
Жрїдла Іванна Стракошова: Няґів – Ňagov // С. 454.
Одказы
Референції
Катеґорія:Населены пункты Словакии