Улич, (в мѣстной гварѣ Влы́ч; стара назва У́ліч; Ulič) — село на Словеньску в окресѣ Снина в Пряшовском краю. Село мать водовод, канализацию, чистярню одпадовых вод, збераня и знешкодненя комуналного одпаду.
История Село заложене на валашском правѣ в конци 14. або зачатку 15. стороча. Перва документована упоминка походить з року 1451, тогды было частьов Гуменского панства а землепанами были Другеты, од 18. стороча властниками стали ся Сирмаи, пак иншы паны. В року 1577 в селѣ быв маюр и 8 осадничых газдовств. В року 1720 поставили первый млин. В року 1867 село засягла катастрофична повѣнь, многы селяне емигровали за океан.
В року 1908 докончили узкоколѣйку на Забродь, котра ся припоила на скорше поставлену линию од Новоселицѣ и так значно вылѣпшила споеня з Ужгородом и селами Ужской жупы. В року 1934 штрайковали лѣсны роботници. В роках 1939–1944 село было под владов Мадярщины, ослободжене 26. октобра 1944. Бандеровцѣ туй 6. децембра 1945 забили четырьох членох жидовской родины. По войнѣ майже з каждой родины одышли молоды люде за роботов до Чех. В року 1947 створена державна лѣсова управа. В року 1959 заведена електрика. В 1960-х роках село поступно достало нову школу, културный дом, амбуланту, торговый центер, ресторан, водовод. В року 1967 отворена деревообробна фабрика TVARONA, котра фунгуе доднесь.
Обывательство
Зложеня обывательства подля народности (2011 р.)Народностне зложіня обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-27.: Русины - 294 (31,6%) Словаци - 476 (51,1%) Ромы - 85 (9,1%) Украинцѣ - 21 (2,3%) Нѣмцѣ - 3 Чехы - 2 Мадяре - 1 Нестановлены - 50 (5,4%)
З увагы на вѣру штатистика з року 2001 така: православны47,03% грекокатолици 34,42% римокатолици4,08% атеисты5,10% не одповѣли0,46%
Русиньскый язык за материньскый означили 560 жителе (60,1% обывательства)Материньскый язык обывательства подля списованя людей з 2011 р. (по словеньскы). Штатістічный уряд Словеньской републікы. Одказ перевіреный 2020-08-27..
Жерела Василь Федич: Улич (Влич) – Ulič // С. 485.
Референции