Steve Vai

Steven Siro Vai, mejo conosùo come Steve Vai (Carle Place, 6 de zunjo 1960), el ze un ghitarista, conpozidor, produtor discogràfego e cantante statunitense.

Vinsidor de tre Grammy Awards (inte'l 1993 cofà Mejo performance strumentałe Rock, inte'l 2002 cofà Mejo album strumentałe Pop e inte'l 2008 cofà Mejo performance strumentałe Rock), Vai el ze reconosesto come uno dei pì inportanti ghitaristi de ła só zenarasion e uno dei shredder (tèrmane che'l ìndega un muzicista, in 'sto cazo un ghitarista, dotà de notevołe tècnega e vełosità) pì apresài e dotài da'l ponto de vista de ła tècnega.

Oltra a ła rinomada carièra da sołista, el ga miłitò anca in difarenti e inportanti grupi, prima ezordio inte'l grupo de Frank Zappa e drioman co artisti cofà David Lee Roth, Alcatrazz e Whitesnake. El ze un połistrumentista e infati, oltra a ła ghitara, el sona anca el piano, el baso e ła bataria.

Biografia Steve el ga orìzeni itałiane: i noni i zera lomellini, presizamente de ła vacarìa Taccona inte'l comun de Dorno in provinsia de Pavia (el 22 de łujo 2012 ghe ze stà conferìa ła sitadinansa onoraria preso el steso Comun) e da łì i ze emigrai inte i Stati Unii d'America.

Vai el ze conosùo par ła so mùzeca strumentałe par ghitara, che conpone, sona e produze da só pòsta, ma el ga anca sonà inte łe rejistrasion de diversi altri artisti e grupi rock/metal. Inte el 1979 el ga frecuentà el Berklee College of Music de Boston, Massachusetts, indove el se ga faxesto notar dal łexendario chitarista rock Frank Zappa, el cuało ło ga asoldà prima inte el ròło de trascritor de partidure e drìoman cofà executor dei so brani pì conplesi, brani che i rechiedeva grande capaçità tecneghe.

Carièra

Inte el 1985 el sostituise Yngwie Malmsteen come chitara sołista inte i Alcatrazz de Graham Bonnet, co i cuałi el inside l'album Disturbing the Peace. Dal 1986 al 1989 el sona par David Lee Roth, rejistrando i album Eat 'Em and Smile (1986) e Skyscraper (1988). Inte el 1989 e 1990 el sostituise l'infortunà Adrian Vandenberg inte i Whitesnake, una de łe łexende del rock britànego, poco prima che sti cua inisiase łe rejistrasion de l'album e el tour mondiałe par Slip of the Tongue. Vandenberg se gaveva infortunà un polso provando alcuni exercisi che el gaveva catà in t'un łibro.

Steve Vai continua a sonar in concerto regołarmente, sia col grupo che col so amigo e mestro de chitara de un tenpo, come łu vinsidor del Grammy Awards, Joe Satriani, inte ła serie de concerti denominada G3 inisiada inte el 1996. Ła mùxica de Steve Vai ła xe prexente in diversi film. Łu isteso xe aparìo sol gran schermo in un film del 1986 co Ralph Macchio intitołà Mississippi Adventure (Crossroads, de Walter Hill), inte el cuało el reçitava ła parte de Jack Butler, un chitarista ispirà dal demonio. Inte el momento saliente del film, Vai se inpegna in un dueło chitaristego co Macchio. Ła parte de sto ùltemo ła xe dopiada da Vai steso, mentre ła parte de "slide guitar" ła xe interpretada da Ry Cooder come ameso da un'intervista de Steve Vai.

Ła conpoxision pseudo-clasega-baroca in trentadoexemi (intitołada Eugene's Trick Bag) co ła cuała Macchio vinse ła conpetision xe stà scrivesta da Vai, che el se ga baxà pexantemente sol Capriccio Op.1 #5 de Niccolò Paganini, e ła xe deventada uno dei brani preferìi da tanti chitaristi aprendisti. Vai ga vinsesto un Grammy Award inte el 1991. El ga inaxonta partesipà a l'execusion de ła cołona sonora del film Fantasmi da Marte de John Carpenter insieme ai Anthrax e a Buckethead. Inaxonta el xe stà ciamà dal famoxo baterista Gregg Bissonette, par conponer ed inçider alcuni brani (come Common Road). Mentre el contributo de Vai al materiałe de altri xe stà łimità dal stiłe rock o heavy-rock dei grupi par cui el ga sonà, ła so mùxica ogni cualtànto ła par reciamar l'exoterismo.

Vai xe un prexià produtor muxicałe: el ga infati do studi de rejistrasion, "The mother ship" e "The harmony hut", e łe so rejistrasion conbina ła so distintiva abiłità inte łe nove conpoxision co un considerevołe utiłixo de efeti in faxe de rejistrasion. Steve Vai ga ła Favored Nations, na conpagnia de rejistrasion e publicasion speçałixada inte el incuràrse de novi tałenti o de artisti de alto profiło de tuto el mondo.

Vita privà Vai el ga do fiòłi, Julian Angel e Fire, e el ze spozà co Pia Maiocco (ex basista de ła hair metal band Vixen). Steve el ama arlevar ave, che łe produze regołarmente un miełe che Steve el vende par benefisensa onji ano, traverso el só sito web ("The Fire Garden Honey").

Strumentasion

Vai el ze endorser par ła Ibanez da'l 1986: inte'l 1987 A ze rivà so'l marcà el só modeło signature, ła Ibanez JEM, mentre inte'l 1990 l'azienda ła ga rełizà na ghitara a 7 corde, ła Universe, co łe istese caratarìsteghe de ła JEM ma sensa manisa. Ła Universe ła ze ndà fora produsion drìo soło che do ani, par èsar drioman reciapà inte'l 1997.

Ła só ghitara prefarìa, dopara pì volte da'l vivo e in studio da'l 1993, ła ze un prototipo de JEM7VWH da łu ciamada "EVO": tałe ghitara ła ghe ze stà consenjada par provar cuełi che ałora i jera i prototipi dei pickups DiMarzio Evolution (da cui EVO); el ga anca na ghitara parsonałizada a forma de cuor co tre màneghi, ła "Ultra Zone" vizìbiłe inte ła covertina de l'omonemo album e na JEM bianca a tre mànegadure.

Stiłe Considerà un łuminare de ła ghitara, el ze partegołarmente apresà non soło par ła straordenaria tècnega ma anca par l'espresività dei só asołi.

El só stiłe el ze caratarizà da na granda patronansa de'l legato e inte dòparo de ła łeva de'l tremolo, co'l cuało el ze bon de far łetaralmente "parlar" e "rider" ła só ghitara (come inte l'intro de Yankee Rose de l'àlbun Eat 'Em and Smile co David Lee Roth).

El mondo muzegałe de Zappa el ga desizamente influìo so łe pecułiarità ghitarìsteghe de Vai e so ła só concesion de desonanse e de'l só insarimento a l'interno de łe scałe, oltra che a l'introdusion inte i brani de rumori e vozi. N'altra de łe tècneghe pì sfrutàe da Steve ła ze el tapping, che'l dòpara sia inte ła só forma pì clàsega (2-3 dei) che in forma pì conplesa (4-5 dei), basta pensar a l'inisio de'l brano Building the Church.

Discografia Sołista Album in studio e EP 1984 - Flex-Able 1984 - Flex-Able Leftovers (vinile) 1990 - Passion and Warfare 1993 - Sex & Religion 1995 - Alien Love Secrets 1996 - Fire Garden 1998 - Flex-Able Leftovers (CD + 5 bonus tracks) 1999 - The Ultra Zone 2005 - Real Illusions: Reflections 2012 - The Story of Light 2016 - Modern Primitive 2022 - Inviolate

Live 1997 - G3: Live in Concert 2001 - Alive in an Ultra World 2003 - G3: Rockin' in the Free World 2004 - Live in London 2005 - G3: Live in Tokyo 2007 - Sound Theories 2009 - Where the Wild Things Are 2015 - Stillness in Motion Compilation 2000 - The Seventh Song 2002 - The Elusive Light and Sound Vol. 1 2003 - Mystery Tracks Archives Vol. 3 2003 - Various Artists Archives Vol. 4 2003 - The Infinite Steve Vai: An Anthology Con Frank Zappa 1981 - Tinseltown Rebellion 1981 - You Are What You Is 1981 - Shut Up 'N Play Yer Guitar 1982 - Ship Arriving Too Late to Save a Drowning Witch 1983 - The Man from Utopia 1984 - Them Or Us 1984 - Thing-fish 1985 - Meets the Mothers of Prevention 1987 - Jazz from Hell 1988 - Guitar 1988 - You Can't Do That on Stage Anymore, Vol. 1 1989 - You Can't Do That on Stage Anymore, Vol. 3 1991 - You Can't Do That on Stage Anymore, Vol. 4 1991 - As An Am 1992 - You Can't Do That on Stage Anymore, Vol. 5 1992 - You Can't Do That on Stage Anymore, Vol. 6 1996 - Strictly Commercial 1997 - Have I Offended Someone? 1998 - Cheep Thrills 1999 - Son of Cheep Thrills 2001 - FZ Original Recordings; Steve Vai Archives Vol. 2 Co i Whitesnake 1989 - Slip of the Tongue 1994 - Whitesnake's Greatest Hits 2011 - Live at Donington 1990

Co David Lee Roth 1986 - Eat 'Em and Smile 1988 - Skyscraper 1997 - The Best of David Lee Roth Co i G3 1997 - G3: Live in Concert 2004 - G3: Rockin' in the Free World 2005 - G3: Live in Tokyo Altri album 1983 - Lisa Popeil - Lisa Popeil 1985 - Heresy - At The Door 1985 - Public Image Ltd. - Compact Disc 1985 - Alcatrazz - Disturbing the Peace 1986 - Bob Harris - The Great Nostalgia 1986 - Shankar & Caroline - The Epidemics 1986 - Randy Coven - Funk Me Tender 1986 - Western Vacation - Western Vacation 1989 - Vari Artisti - Guitar's Practicing Musicians 1990 - Rebecca - The Best of Dreams 1991 - Alice Cooper - Hey Stoopid 1993 - Vari Artisti - Zappa's Universe 1995 - Ozzy Osbourne - Ozzmosis 1995 - Vari Artisti - In From The Storm 1996 - Vari Artisti - Songs of West Side Story 1996 - Wild Style - Cryin''' 1997 - Munetaka Higuchi with Dream Castle - Free World1997 - Vari Artisti - Merry Axemas - A Guitar Christmas1997 - Vari Artisti - Angelica1998 - Gregg Bissonette - Gregg Bissonette1998 - Al DiMeola - The Infinite Desire1999 - Joe Jackson - Symphony No. 12000 - Gregg Bissonette - Submarine2000 - Thana Harris - Thanatopsis2001 - Robin DiMaggio - Blue Planet2001 - Billy Sheehan - Compression2001 - Vari Artisti - Roland Guitar Masters2002 - Vari Artisti - Guitars For Freedom2002 - Vari Artisti - Warmth In The Wilderness Vol. II - A Tribute to Jason Becker2003 - Surinder Sandhu - Saurang Orchestra2003 - The Yardbirds - Birdland2003 - Eric Sardinas - Black Pearls2003 - Steve Lukather & Friends - SantaMental2003 - Glenn Hughes e Joe Lynn Turner - HTP22003 - Shankar & Gingger - One in a Million2004 - Motörhead - Inferno2004 - Bob Carpenter - The Sun, The Moon, The Stars2004 - Mike Keneally - Vai Piano Reductions Vol. 12005 - Vari Artisti - The Sounds of NASCAR2005 - John 5 - Songs for Sanity2006 - Meat Loaf - Bat out of hell III: The monster is loose2006 - The Devin Townsend Band -Synchestra2006 - Marty Friedman - Loudspeaker2007 - Eros Ramazzotti - E22008 - Jason Becker - Collection2009 - Spinal Tap - Back from the dead2009 - Orianthi Panagaris - Believe2010 - Alcatrazz - Disturbing the peace tour Live in Japan 10.10.1984 - Audio tracks Cołone sonore 1987 - Vari Artisti - Dudes Soundtrack 1991 - Vari Artisti - Bill & Ted's Bogus Journey Soundtrack 1992 - Vari Artisti - Wayne's World Soundtrack 1992 - Vari Artisti - Encino Man Soundtrack 1994 - Vari Artisti - PCU Soundtrack 1999 - Vari Artisti - Radio Disney Kid Jams2001 - Vari Artisti - Ghosts of Mars Soundtrack 2004 - Vari Artisti - Halo 2 Original Soundtrack Filmografia e aparision 1982 - Frank Zappa: The Dub Room SpecialSteve Vai aparise in sto video sonando el brano "Stevie's Spanking" al Palladium durante el NYC show del 31 de otobre 1981. 1985 - Alcatrazz: Power LiveConcerto live al Shinjuku Kousei Nenkin Hall in Japon del 10 de otobre 1984, periodo durante el cuało Steve Vai faxeva parte dei Alcatrazz. 1986 - David Lee RothVideo dove Steve Vai aparise come chitarista de ła David Lee Roth Band inte i brani "Yankee Rose" e "Goin' Crazy". 1986 - Mississippi Adventure (Crossroads) Steve Vai partesipa al dueło chitaristeo inte el ròło de Jack Butler. 1987 - Frank Zappa: Video From Hell) Un xovane Steve Vai exegue insenbre a Frank Zappa na version strumentałe de "Stevie's Spanking" reciapada a Roma el 10 de łujo 1982. 1989 - Frank Zappa: The True Story of 200 MotelsSteve Vai conparise in una curta intervista registrada el 14 de łujo 1982 a Palermo, Sicilia. 1990 - Metal Head Vol II (Rivista Video)In sta video-rivista xe prexenta na intervista a Steve Vai. 1993 - Zappa's Universe: A Celebration of 25 Years of Frank Zappa's MusicIn questo video Steve Vai sona do brani de Frank Zappa: "Dirty Love" (co Dweezil Zappa e Mike Keneally) e "Sofa". 1995 - Steve Vai: Alien Love Secrets VHSVideocaseta contegnente i video dei brani del disco Alien Love Secrets.