L'esìdio de Casteło de Gódego ła ze na straje fata inte el Vèneto da l'ezèrsito todesco inte ła seconda guera mondiałe, gnente altro che una de łe straji pì grande fate inte el Vèneto e inte el Nord de ła penìzoła itàłega in chel perìodo.
Avegnesto inte el 29 de apriłe del 1945, a pochi dì da ła fin del conflito, l'esìdio el ze costà ła vita a 135 intrà siviłi e partezani e el ze avegnesto prinsipalmente inte el comun de Casteło de Gódego, anca se nisun godeghezo el ze sta coinvolzesto inte ła straje. I sasinai de fati i provegnea tuti dai comuni arenti de San Zorzi in Bosco, San Martin de Lùpari e Viła del Conte.
Siben che cheła de Casteło de Gódego ła sìpia definia comunemente cofà l'"ùltema" straje, i masacri da parte de ła divizion todesca i nava vanti finmente che i se retirava verso nord. De fati, inte el dì dopo, in locałità Caeran de San Marco, par raprezàlia, łe ze stae copae 6 persone, inte el contesto de cheło che ze conosesto cofà esìdio de Steca. Memòria Inte i comuni dei avegniminti, inte i ani se ga metesto par recordo difarinti monumenti e làpide: A Sant'Anna Morozina un monumento el recorda łe vìtime; Abasia Pizani el recorda sto evento co na stełe e un monumento; Viła del Conte el recorda łe vìtime de ła guera de Libarasion co na làpide inte el simitero; In locałità Majo de San Martin de Lùpari na làpide ła recorda i partezani cascai, e un monumento inte el simitero ła recorda tute łe vìtime, partezane e siviłi. Intrà Canpagnalta e Caciatora ghe ze i nomi de cuatro ostaji; In località Caciatora de Castel de Gódego ghe ze na stełe datada 1959.
Notasion
Categoria:Casteło de Gódego Categoria:Seconda guera mondiałe