La ceza de ła Natività de ła Beata Vèrzene Maria ła ze ła parochiale de Fonzaso, in provincia de Bełun e diòseze de Pàdoa; ła ze parte del vicarià de Valstagna-Fonzaso.
Stòria La prima citasion de ła pieve de Fonzaso ła riva dal 1297. Se sa che sta pieve, ła cuała ła zera stada costruita a cavało intrà i secoli XII e XIII, ła zera stada desfada da un inséndio inte el 1581. L'atuale parochiale ła zera stada edifegada inte el 1610. Inte el 1921 ła paròchia de Fonzaso ła ze sta riduzesta de dimension dopo de l'eresion de cheła de ła so frasion Arten. L'edifegà el ze sta dopo restruturà inte el 1969.
Interno Òpare de prejo tegneste inte l'interior de ła ceza łe ze do stàtue, i cuałi sojeti i ze i Santi Vitore e Corona, scolpie inte el XVII secolo da Francesco Teriłi, e altre tante pałe, figuranti una el Conpianto su Jezù morto e l'altra l'Anunciasion, dipinzeste respetivamente da Ziròłamo Dal Soco inte el 1630 e da Pietro Richi intrà el 1640 e el 1660. Notasion
Voze corelae Fonzaso Diòseze de Pàdoa
Fonzaso Categoria:Architetura in Vèneto Maria Nasente Natività de ła Beata Vèrzene Maria Categoria:Fonzaso