Le ełesion presidensiałi inte i Stati Unii d'Amèrica del 2016 łe se ga aveste l'8 de novenbre.
L'inprenditore e personajo tełevizivo newyorkeze Donald Trump, candidà del , el ga sconfizesto ła candidada del Partio Democràtego Hillary Clinton, prima dona che ła ga vinsesto łe primàrie presidensiałi de uno dei prinsipałi partii, e chełi altri contendenti menori.
El rezultà, rivà inte el finir de na canpagna ełetorałe segnada da tonałità vocàłeghe tanto aspre, łe ga smentito łe prevision pre-votasion, vegnendo descrivesto da vari mèdia de l'informasion cofà el pì sorprendente da łe ełesion del 1948.
Donald Trump el ze devegnesto presidente ełezesto otegnendo el voto de ła majoransa, e precizamente de 304, dei 538 grandi ełetori che i forma el Cołejo ełetorałe. Hillary Clinton ła ze sta invese ła pì votada par liveło popołare, co cuazi tre miłioni de prefarense in pì del rivałe.
Co ła vitòria de Trump ła ze ła cuinta volta inte ła stòria dei Stati Unii che un candidà el ze bon de ciaparse ła Presidensa sensa ła contenporànea majoransa inte el voto popołare par liveło federałe.Presidenti USA ełezesti sensa ła contenporànea majoransa inte el voto popołare par liveło federałe: John Quincy Adams (1824), Rutherford B. Hayes (1876), Benjamin Harrison (1888) e George W. Bush (2000)
In pì, par ła cuarta volta inte ła stòria dei Stati Unii dal 1944, anbedó i candidai prinsipałi i provegnea dal Stato de New York.
Notasion
Altri projeti
Linganbi foresti
Categoria:Ełesion presidensiałi inte i Stati Unii