__HIDDENCAT__
Inte łe siense pułìteghe, secondo el prinsipio de separasion dei poderi del Stato, el podere ezecutivo, zeneralmente detegnesto da un'istitusion denomenada "goerno" o "ezecudivo", el ze in prima istansa el poder de aplegar łe leji e de farle respetar.
Difarense co chełi altri poderi L'Ezecutivo el ze destinguesto dal podere lejislativo, che el ze el podere de fare łe leji (lejiferar), e dal podere zudisiàrio che el ze invese el podere de zudegar e eventualmente castigar chi che no respeta łe leji. Sti poderi i vien in zenere reservai al sovran in cazo de monarchia asołuta.
In contesto democràtego, el podere ezecutivo el ze ezersità da òrgani che i fa łe prescrision de łe leji e i àtua in concreto łe pùbleghe finałità. La tuteła del Goerno, inte l'ezercìsio de ste funsion, ła responde a l'ezijensa de goernabiłità, che łe sìngułe forme de goernoA. Pisaneschi, Brevi considerazioni su efficienza del governo e riforme costituzionali, in Rivista AIC, n. 4/2015, pp. 9 ss. łe bałansa variamente co l'ezijensa de raprezentatività pròpia de łe asenblee ełetive.
Roło del podere ezecutivo I so cònpiti i ze moltèpleghi:
far respetar l'órdene e ła leje traerso de ła zestion de łe forse de połìsia e dei penitensiari condùzar ła pułìtega estera del Stato dirìzar łe forse miłitari dirìzar i servisi pùbleghi e ła pùblega aministrasion.
Notasion
Altri projeti
Linganbi foresti
Categoria:Goerno Categoria:Derito costitusionałe Categoria:Stato