Family Ties o "Casa Keaton" ła ze na sit-com statunitense so ła vita de na comun fameja mericana co łe espariense de ła vita de tuti i zorni. Produzeta da ła Paramount de Los Angeles, inte i Stati Unìi ła ze stà trasmetesta da ła NBC par sete stazon, dal 1982 al 1989: in Italia ła ze stà trasmetesta so talia 1 e in replica so Canale 5 e Frisbee.
Ła sigla "Without Us", scriveta da Jeff Barry e Tom Scott, ła zera cantà da Mindy Sterling e Dennis Tufano par i primi dieze epidizo e drìoman da Johnny Mathis e Deniece Williams.
Ła serie ła ga otenjesto tanti premi, tra cui 3 Emmy Awards revardanti Michael J. Fox.
Trama I zenitori Steven e Elyse Keaton, tanto inamorai, i partien a ła zenerasion dei hippy dei ani sesanta: ła mare ła ze architeto, mentre el pare el łaora par el network tełevizivo WKS. Łoi, ancora tanto tacai ai só ideałi zovaniłi, i costituise łe prensipałe fegùre de refarimento par i só fiòłi co'i cuałi i se scontra speso a cauza del fato che i fiòłi i ze invese a propio azio inte ła sosietà consumìstega dei ani otanta. Alex, un tozo de 17 ani, el ze un conservador e intaresà a ła finansa, a l'economia, drìoman amirador de Ronald Reagan; co'l tenpo el madurarà tanto mantegnendo comuncue senpre łe stese pasion e convision, fin cuando, inte l'ùltemo pariodo de ła serie, el se ne andarà a New York. Mallory, ła segondozenita de do ani minor de Alex, ła ze na toza a ła moda, carina, un poco suparifsałe e co ła fisasion par i vestiti e i sentri comersałi; nonostante ła se scontre speso co Alex, ła ło jutarà speso in serte situasion inbarasanti. Jennifer ła ze ła soreła minor, e ła ze ła pì trancuiła de ła fameja. A partir da ła cuarta serie A fa ła só conparsa anca el picoło Andrew, che vien cresesto da Alex a propia imàjine e somejansa.
Parsonaji e interpreti Prensipałi Elyse Donelly Keaton, intarpretada da Meredith Baxter, dupiada da Vittoria Febbi. Steven Keaton, intarpretà da Michael Gross, dupià da Sergio Di Stefano. Alex P. Keaton, intapretà da Michael J. Fox, dupià da Sandro Acerbo. Mallory Keaton, intarpretada da Justine Bateman, dupiada da Silvia Tognoloni. Jennifer Keaton, intarpretada da Tina Yothers, dupiada da Rossella Acerbo. Andrew "Andy" Keaton, intarpretà da Brian Bonsall, dupià da Federica De Bortoli.
Segondari Irwin "Skippy" Handelman, intarpreàt da Marc Price, dupiù da Riccardo Rossi. Nick Moore, intarpretà da Scott Valentine, dupià da Fabio Boccanera. Ellen Reed, intarpretada da Tracy Pollan, dupiada da Emanuela Rossi. Lauren Miller, intarpretada da Courteney Cox, dupiada da Micaela Esdra (prima voze) e da Emanuela Rossi (segonda voze).
Epizodi Stagione Episodi Prima TV originale Prima TV Italia Prima stajon 22 1982-1983 1986 Segonda stajon 23 1983-1984 1988 Tersa stajon 23 1984-1985 1988 Cuarta stajon 28 1985-1986 1988 Cuinta stajon 30 1986-1987 1989 Sesta stajon 28 1987-1988 1990 Sètema stajon 26 1988-1989 1992
Ospiti del telefilm Alcuni famozi atori i ga partesipà ocazionalmente a calche epizodio: Tom Hanks inte'l ròło de Ned Donnelly, só fradeło de Elyse, inte ła prima e segonda stajon; Geena Davis inte'l ròło de Karen Nicholson inte ła tersa stajon; Tracy Pollan, ancò so mujer de Michael J. Fox, inte'l ròło de Ellen Reed, fidansada de Alex, inte ła cuarta stajon; River Phoenix inte'l ròło de Eugene Forbes, Alex ne ze precetor, inte ła cuarta stajon; Courteney Cox inte'l ròło de Lauren Miller, fidansada de Alex inte ła sesta e sètema stajon; Daphne Zuniga inte'l ròło de Rachel Miller, só conpagna del łiceo e fidansada de Alex inte ła segonda stajon.
Linganbi foresti
Categoria:Sèrie televixive de la ABC