El pastìn el ze na pietansa tìpega bełuneza a baze de carne tritada a ła grosa de porseło e manzo, sìmiłe a ła ługànega, sałada e spesiada, o pì senplisemente l'inpasto de'l sałado 'pena fato e mìa stazonà ma co na spesìfega e coreta parsentuałe de sałe (Bełun). El pastin l'è insarìo inte l'ełenco dei prodoti tradisionałi de'l Veneto.
Conpozision El pastin de l'Agordino e de ła Val de Zoldo el ze conposto de carne tritada de porseło e manzo inte ła cuała A se ghe zonta ła "consa" (condimento) fata de un infuzo de vin bianco ajo e spesie. El vien pardesòłito fato a ła greła inte ła forma de "rodéła de pastin". Noto fin da'l mezoevo, el ze un cibo prevałentemente invernałe, ed abinà a ła clàsega połenta, el venjea un tenpo consumà a'l momento che A jera copà el porseło . El połe èsar consumà cruo, spalmà so'l pan o a ła greła o el pol èsar parte de resete pì conplese.
Tìpego bełuneze A ze el famozo paneto co pastìn e formajo a ła piastra, clàsega pietansa servìa inte łe sagre paezane de'l bełuneze.
Note
Linganbi foresti
Categoria:Cuxina veneta Categoria:Prodoti PAT