Santa Catarina el xe on Stato del Braxil meridionałe ła cavedal del qual, Florianópolis, ła se cata so l'ixoła de Santa Catarina. El confina a sud col Rio Grande do Sul, a nord col Paraná e a ovest co l’Argentina.
Zeografia fizega Su ła costa atlàntega se cata tante spiage, ìxołe, bare e insenadure. Inte el sentro del Stato se stende bos-ci de pin braxiłian, inte el sud-òest ghe xe piasè praterie, invese a est ła òest ghe se cata foreste.
Santa Catarina xe considerà ło Stato pì fredo del Braxiłe. El xe l’ùnego inte el cuałe se pode ver de łe nevegade, grasie a ła prexensa di vari riłiei. Inte i ani novanta, dorante un inverno bastansa rìxido, inte łe canpagne xe cascai sirca 2 metri de neve, pari a ła quantedà de neve che casca gni ano sul Cànada.
Storia thumb|182px|left|Na caxa costruita dagli immigrati italiani, 100 anni fa in Santa Catarina, sud-Brasile. El primo insediamento inte el teritorio se ga vùo inte el 1542 a òpara dei spagnołi. A łori i xe entrai inte el 1675 i portoghexi, chei inte el 1738 ga fato un capitanà.
L'atuałe tera de Santa Catarina ła xe stà popolàa da migrai eoropei, soratuto tedeschi, e itałiani del Veneto e del Trentin (al'èpoga parte del'Inpero Austro-Ongàrego) chei ghe xe rivai en grando nùmaro inte el corso del XIX sècoło. A łori se ga zontai poi altri itałiani, połachi e rusi, faxendo cusì crear molte fatorie picenine a condusion famejar inte łe zone enterne del paexe. Sità come Nova Trento, Nova Tyrol, Nova Veneza e molte altre sitadine da łe caraterìstieghe architettòneghe trentine e tirołexi łe dimostra la granda prexensa de popołasiuni migrae dal'ełora Inpero Austro-Ongàrego.
Verso ła fin del marso 2004 el Stato el xe stà ciapà dal primo uragan vùo inte łe aque del'Atlàntego meridionałe. Non séndoghe un nome par un sìmile fenómeno, i meteoròlogi braxiłiani i ga fato l'espresion "siclon Catarina".
Economia Ła economia ła se baxa su ła agricoltura (mais, manioca, batata, yerba mate, tabaco, banane, agrumi, ua), su el ałevamento, su el desfrutamento forestal e del sotosiol e su ła pesca.
Łe industrie (metalmecaneghe, tesiłi, chimeghe, ałimentari e del mobijo) łe se consentra inte ła cavedal e inte łe sità de Joinville, Blumenau, Tubarão, Criciúma, Itajaí e Laguna''.
Gałeria de someje
Varda anca Descanso
Nòte
Altri prozeti
Łinganbi foresti