Pałaso Nervi Scattolin xe na architetura de Venesia, che se cata inte el sestièr de San Marco, in Canpo Manin. Xe sede centrałe de ła Casa de Risparmio de Venesia.
Storia Na strutura preexistente a queła atuałe e risałente al 1883 gera stà xà pensà cofà sede de ła Casa de Risparmio de Venesia.
Tutavia, inte el 1970, ła xe stàda sostituìa par costruìr el novo pałaso, inaugurà inte el 1972: sielta non exente da połemiche, che gà portà a un dificoltoxo iter de reałixasion.
I architeti a cui xe stàda afidàda ła progetasion gera Pier Luigi Nervi e Angelo Scattolin, dei cuałi el pałaso ciapa el nome.
Descrision Esterni Ła parte pì inportante del pałaso xe ła fasàda, che dà sol canpo: ła se mostra in rotura co łe architeture dei altre bande del canpo, che xe in falso antigo, riproponendo el stiłe gotico venesian, pur esendo otosentesche.
Ła fasàda de Pałaso Nervi-Scattolin xe de granda modernità, alta tre piani, co al pian tera un'inportante cancełada bronxea, òpara del scultor Simon Benetton, e, ai do piani nobiłi, na serie ininterota de vertaùre squadràe tagiàe da piłastri.
So'l dadrìo, ła segonda fasàda da su canpo San Luca: ła mantien łe łinee orixinałi setesentesche, in armonia co łe altre łà afasàe e in archimìa co łe parti novesentesche de l'edificio.
Interni
A l'interno, come rexultado de un progeto architetonicamente sbrixà de Nervi, se caraterixa soratuto par na maxenga scała elicoidałe inasal, legno e cemento armà, a ła baxe de ła cuała xe sistemàe do òpare scultoree de Arturo Martini: Agricoltore co spighe, Ercole co la pelle del leone (1910).
Tante łe òpare d'arte de caratere pitorico esposte ne łe sałe del pałaso: San Michele Arcangelo, scoła veneta del XVII secoło La scuola di musica, Pietro Longhi Ritratto di procuratore, Alessandro Longhi Concilio degli dei, Jacopo Tintoretto Giudizio Universale, Giambattista Tiepolo Gentiluomo veneto, Domenico Tintoretto Bozzetto del Paradiso, Domenico Tintoretto (?)
Inaxonta, inte ła biblioteca storica de ła Casa de Risparmio, xe custodìi manoscriti miniài e vołumi antighi.
Fonti Schede su Palazzo Nervi-Scattolin nel sito di Intesa Sanpaolo
Voxe łigàe Pałasi de San Marco
Categoria:Pałasi de Venesia