Jèzoło o Jézol el ze un comùn de 24 479 abitanti inte ła Provincia de Venesia. Łe se cata a nord-est del cavołógo, su quea penìzoła che ghe ze infrà laguna e Mar Adriàtico, sora de Cavałin.
Indove ancuo ghe ze el comun de Gèzoło, na volta, fin al IX sècoło, ghe gera na sitadina bastansa rica ciamada Equilium. Sta qua ła gera anca sede de na diòcezi, ma par via de catàstrofe climàteghe ła ga perso tuta ła sóa inportansa. Sto séntro el ze nasùo na seconda volta col nome de Cavazucarina, grasie a ła famégia dei Soranzo, chei gaveva paréci teréni da ste parte. Inte el 1499 i ga sièlto de desviar el Piave e el Sil fazendo un canal chel pasava indrìo sti posti, chei ga tólto el nome de Cavazucarina da Alvise Zucharin, ingegnèr ciamà par reałizar sto progeto.
Dopo la desfata de Caporèto inte el 1917, i Striaci ze rivài fin a ła Piave Nova dove i ze stai conbatui dai Itałiani che inte el 1918 i ga avansà fin in Istria e che i ga mandà via i Striaci che ga perso ła guèra. Infati a Gèzoło se pol vedar i bunker anca de ła Seconda Guèra Mondial fati dai todeschi nazisti e dai fasisti de Musołini. Tra questi bunker ze stà fato uno su l'altare e cripta (no vizitabiłi) de ła basilega de Santa Maria, ciamada anca Antiche Mura. I ga rovinà tuti i mosaici e i ga destruto chel che restava de ła Basilica ciamada "ła pì bèa dopo San Marco".
Cavazucarina, come tuta ła costièra venesiana, ła sofriva sénpre ła prezensa de pałui, indove se ciapa fasilmente anca małani come ła małaria: łe bonìfeghe łe ze scomensae inte el 1920 e łe ga avùo ła bona conseguénsa del introdusion de coltivasion de formento, formenton e rave. Ste nove atività łe ga agiutà a sołevar Cavazucarina, che, el 28 de agosto 1930 el ga tólto el nome de ancuo, Jèzoło, evołusion del'antigo Equilium.
Dal secondo dopoguera Jèzoło ła ze cresua anca grasie al turismo: inte i ùltemi ani ła mancansa de spasio ła ga portà a crear edifisi senpre più alti, diti tore. Ancuo Gèzoło ła ga na spiada de disète chiłòmetriSpiada de Gèxoło dal Gaxetin del 28-08-2008 , ła più łonga de Itałia, e ła fa rivar parécia zente durante l'istà, co el paéze el riva a ospitar anca 500 000 abitanti.Jesolo
Evołusion demografica
Fonte
Categoria:Comuni de ła sità metropułitana de Venèsia