Sarajevo (Sarajevo en serbocroata, Сарајево en alfabeto cerilico) ye una ciudat de Bosnia y Herzegovina, a mayor ciudat d'o país por o suyo numero d'habitants y a capital d'o país, d'a Federación de Bosnia y Herzegovina y d'o cantón de Sarajevo.
A suya población ye de 304.614 habitants, en una superficie de 141,5 km², con una densidat de población de 2.152,75 hab/km².
Sarajevo ye una d'as ciudaz de mayor importancia d'os Balcans.
Población por etnias y nacionalidaz A población d'a ciudat de Sarajevo ye de mayoría bosnia musulmana, pero a redolada de Sarajevo ye de mayoría serbia. Serbios y croatas son presents en a ciudat y por lo menos antes d'a Guerra d'Independencia de Bosnia-Herzegovina i heba barrios de mayoría serbia u de mayoría croata, (Ilidza, Otec, Stup, etcetera...). Antes d'a guerra se deciba que Sarajevo yera a tercera ciudat yugoslava en numero de serbios. A redueita minoría sefardita deixó a ciudat cuan a guerra.
Historia A suya historia ye fecunda, dende l'asasinato o 28 de chunio de 1914 de Francisco Ferrando d'Austria, heredero de l'Imperio Austrohongaro, y a suya muller Sophie Chotek por Gavrilo Princip, en o clamato Atentato de Sarajevo, que estió una d'as causas d'a Primera Guerra Mundial, dica os Chuegos Olimpicos d'Hibierno de 1984, ta rematar en o seche de Sarajevo en os anyos 1990 mientres a Guerra de Bosnia y Herzegovina.
Sarajevo fue establito en 1461 por os Otomans, o suyo nombre provién d'o turco saray que significa "palacio".
Esporte Competicions esportivas Sarajevo estió a seu d'os Chuegos Olimpicos d'hibierno en a suya edición de 1984.
Se veiga tamién Atentato de Sarajevo. Chuegos Olimpicos d'hibierno de 1984. Seche de Sarajevo. Acuerdos de Dayton.
Vinclos externos
Pachina web oficial municipal. Guía d'a ciudat de Sarajevo. Pachina web oficial d'o cantón de Sarajevo.
Categoría:Sarajevo