O Pamporciello (oficialment, en castellano, El Pamporciello) ye una pardina aragonesa de dos casas en o municipio d'a Fueva, en a comarca de Sobrarbe y provincia de Uesca. Actualment se troba despoblada. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. «Pueblos abandonados» en a pachina oficial de l'achuntamiento de a Fueva, consultada o 2 de noviembre de 2010.
O Pamporciello yera, como belaltras pardinas no solo que en a Fueva sino por tot l'Alto Aragón, un casal fuerte que yera defendido con una torre que ye albarrana en un d'os suyos costaus, datable en o sieglo XVI. En l'actualidat, conforman o nuclio dos casas aliniadas con paret meyanil, con a torre curiosament en o cabo mas luent d'o camino, y una capiella (sieglo XVIII) consagrada a Sant Vicient que yera l'oratorio de o lugar, que actualment s'usa como ermita.
Se a puede trobar en alto d'un cerret en a par d'abaixo d'as garras d'a sierra de Muro de Roda, en posición avantallosa en dominando a fondonada d'a Fueva dende o sector mas a l'este. Se comunica bien por una pista con Tierrantona, de a que dista alto u baixo bellos 3 kilometros.
Va estar parte integrant d'o municipio de Muro de Roda, en chunto con os lugars de Muro de Roda, o Lumo de Muro y Ministirio, y con belaltras pardinas en a man oriental de o tozal de Muro que son o Plano, Fumanal y Carrera, y belaltras mas que son en norte de o dito mont, como a Plana, Susiaz, a Corona, y en a baixant occidental cara ta la val d'a Cinca, como a Lecina y Montero. O municipio de Muro de Roda desapareixió en a decada de 1960 absorvido por a Fueva. «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 2 de noviembre de 2010
Fiestas 22 de chinero, fiesta d'hibierno, fendo-le honras a Sant Vicient Mártir 24 d'agosto, Fiesta Mayor, fendo-le honras a Sant Bartolomeu. «Fiestas» en a pachina oficial de l'achuntamiento d'A Fueva, consultada o 2 de noviembre de 2010.
Referecias
Vinclos externos En http://www.despobladosenhuesca.com/
Categoría:Despoblaus d'a provincia de Uesca Categoría:Lugars d'a Fueva Categoría:Localidaz d'Aragón con fiestas patronals ta sant Bertolomeu Categoría:Pardinas Categoría:Localidaz d'a diocesi de Balbastro-Monzón en Sobrarbe