Joaquín Murillo Pascual (Barcelona, 27 de febrero de 1932 - Zaragoza, 10 de chinero de 2009), conoixiu como el Pulpo y el Patas estió un futbolista espanyol que chugó en o Real Zaragoza dende lo 15 de setiembre de 1957 dica o 1964.
Naixiu de Barcelona, se formó futbolisticament en o C.E. Europa. Dimpués de pasar por o Real Valladolid, plegó en o Real Zaragoza ta l'anyada 1957-1958.
Ye o segundo mayor goliador d'a historia d'o Real Zaragoza con 113 gols en 178 partius oficials, dimpués de Marcelino, qui ponió 117 gols en 324 partius. Manimenos, ye o futbolista que ha poniu mas gols con o Real Zaragoza en a competición de liga, ponendo-ne 90 en 148 partius,Joaquín Murillo. El Goleador incansable en Heraldo.es (10-01-2009) y o segundo futbolista catalán que ha poniu mas goles en Primera División, con 132, dimpués de Raúl Tamudo.
Dende que plegó estió todas as anyadas o mayor goliador d'o club, fueras d'a 61-62, en que Juan Seminario estió o pichichi d'a liga espanyola. Manimenos, ixa estió a temporada que Murillo ponió un mayor numero de gols, fendo-ne un total de 18.
En febrero de 1964, dimpués de bels problemas con o entrenador d'alavez, o ex-portero Antonio Ramallets, albandonó o Real Zaragoza enta o Lleida, ta terminar a suya carrera esportiva en o equipo a on prencipió o CE Europa y poco dimpués se retiró d'o futbol y tornó a vivir a Zaragoza a on tenió negocios d'hostelería.
Referencias
Categoría:Futbolistas d'o Real Zaragoza Categoría:Futbolistas d'o Club Esportiu Europa Categoría:Futbolistas d'o Real Valladolid Categoría:Futbolistas d'a UE Lleida Categoría:Futbolistas de Catalunya Categoría:Muertos en Zaragoza Categoría:Naixius de Barcelona Categoría:1932 (naixencias) Categoría:2009 (muertes)