Sant Tomás (? - Madras, India, 72 dC) estió un d'os Doce Apóstols de Chesús de Nazaret.
Pareixe que o suyo nombre yera Chudas y que teneba un chermano melguizo, por ixo li deciban Chudas o melguizo (en arameu Yəhudà Te'oma y en griego Ioudas Didymus). D'aquí o nombre "Te'oma", en aragonés Tomás, que significa «melguizo».
En o Evanchelio apocrifo Feitos de Tomás (escrito en Siria en o sieglo III) li se considera un d'os cuatre chirmans de Chesús, feito que s'esmenta en o Evanchelio de Sant Marcos 6, 3. Seguntes a Ilesia Catolica, serían primos de segundo grau.
O feito mas conoixito de Tomás se troba en o Evanchelio seguntes Sant Chuan 20, 24-29, a on que se nega a admitir a resurrección de Chesucristo dica que no li pasó los ditals por as nafras que teneba en o costato producidas por a crucifixión. Se creye que pedricó por Siria, l'Imperio Parto y a India (seguntes Eusebio de Cesaria y Efrén o Sirián).
Mencions en fuents aragonesas En o "Libro d'el Trasoro" dedican uns parrafos a Sant Thomás u Santo Thomas, y tamién podemos leyer Sant Thomás en o "Libro d'as Marabillas d'o Mundo" cuan parla d'a India y os cristianos nestorins, incidindo en a suya importancia entre estos cistianos orientals:
Vinclos externos Información sobre Sant Tomás apóstol.
*