Rio de Janeiro (literalment en aragonés "Río de Chinero") ye la segunda ciudat mas gran de Brasil y capital d'o estau de Rio de Janeiro. Estió la capital de Brasil dica l'anyo 1960. Ye famosa por as plachas turisticas de Copacabana y Ipanema, por a estatua chigant de Cristo (lo Cristo Redentor), por a montanya Pão de Açúcar ("Pan de Zucre"), y por a famosa celebración d'o Carnaval toz os anyos, en o Carnaval de Rio de Janeiro.
A población d'a ciudat yera de bels 6 millons d'habitants en 2005, encara que la suya aria metropolitana teneba una población de 13 millons. Amás d'os suyos atractivos turisticos, ye tamién un gran centro de comercio, servicios y industrias, y tien dos puertos importants ta las exportacions y importacions: o puerto de Rio de Janeiro, localizau en a badía de Guanabara (a l'este d'a ciudat), y o puerto de Sepetiba, localizato en a badía de Sepetiba, a l'ueste.
En l'anyo 2016 estió la seu d'os Chuegos Olimpicos de 2016.
Esporte En Rio de Janeiro, como en a resta d'o país, l'esporte mes practicau y mes important ye lo fútbol. En a ciudat tienen a seu cinco d'os millors equipos de fútbol profesional de Brasil, América Football Club, Botafogo de Futebol e Regatas, Fluminense Football Club, Club de Regatas Vasco da Gama y Clube de Regatas Flamengo, que a sobén participan en o Brasileirão, a primera división de fútbol de Brasil.
Tamién son muit populars en a ciudat os esportes de motor.
Instalacions esportivas Autodromo de Jacarepaguá. Complexo Esportivo de Maracaná.
Escaicimientos esportivos En o circuito de Jacarepagua, conoixiu tamién como Autodromo Internacional Nelson Piquet, s'han organizato bel unas d'as mes importants competicions mundials d'automobilismo y motociclismo, como lo Gran Premio de Brasil de Fórmula 1 dende l'anyo 1978 dica 1989, y lo Gran Premio de Brasil de motociclismo dende l'anyo 1995 dica 2004.
En l'anyo 2007 fuoron organizaus en a ciudat os Chuegos Panamericanos en a suya XV edición,Información d'os Chuegos Panamericans de 2007 en a pachina web oficial d'o Comité Olimpico de Brasil. en 2008 estió la seu d'o Campionato Mundial de 1/2 maratón, Informacion en a pachina web oficial d'a IAAF. y lo 2 d'octubre del 2009 en Copenaguen fue esleyida per o Comité Olimpico Internacional (COI) como a seu d'os Chuegos Olimpicos de 2016.
Esportistas naixius de Rio de Janeiro Nelson Piquet, piloto d'autos, 3 vegadas campión d'o mundo de Formula 1. Bel uns d'os millors futbolistas d'a historia de Brasil: Manuel Francisco dos Santos, conoixiu con a embotada de Garrincha. Arthur Antunes Coimbra, conoixiu popularment como Zico. Romário de Souza Faria, conoixiu como O baixinho per la suya baixa estatura. Ronaldo Luis Nazário de Lima, Ronaldo.
Personaches naixius de Rio de Janeiro Fernando Henrique Cardoso, sociologo y president de Brasil dende 1995 dica 2003. João W. Nery (1950-2018), psicologo y escritor transgeder.
Localidaz achirmanadas 1996: 22px Buenos Aires (Archentina).
Se veiga tamién Centro Federal de Educação Tecnológica Celso Suckow da Fonseca.
Referencias
Vinclos externos
Pachina web oficial d'os Chuegos Olimpicos de Rio de Janeiro 2016. 7 days in Rio de Janeiro. Anvista d'o Autodromo de Jacarepagua en google maps.
*