Arsenio Jimeno Velilla (Fuents de Xiloca, 7 d'octubre de 1909 - Zaragoza 1991) estió un politico, periodista y sindicalista aragonés, consellero de Cultura d'o Consello Rechional de Defensa d'Aragón.
Biografía Militant historico d'o PSOE y d'a UGT en Aragón s'unió en 1923 a istas organizacions y a las Juventudes Socialistas. Con 24 anyadas en 1933 se convertió en o primer secretario d'a Federacion Aragonesa d'Agrupacions Socialistas (FAAS), president d'a Chovenalla Socialista d'Aragón y dentró en o Comité Nacional d'o PSOE.
Mientres a Guerra Civil Espanyola estió o consellero d'Instrucción Publica en o Consello d'Aragón dirichito por Joaquín Ascaso. En a Segunda Guerra Mundial luitó con a Resistencia Francesa. Dimpués dende París y Tolosa dirichió os periodicos d'o PSOE en l'exilio como El Socialista u Espanya Obrera.
No tornará ta Aragón dica a muerte d'o cheneral Francisco Franco, a on fue nombrato o president historico d'a Federacion Socialista Aragonesa, a federacion rechional d'o PSOE en Aragón antes d'a suya fusión con o Partido Socialista de Aragón (PSA).
O centro de formación d'a UGT en l'Actur se clama Arsenio Jimeno en homenache d'o suyo sindicato.
Vinclos externos Centro de Formación Arsenio Jimeno. Arsenio Jimeno Velilla. Fundación Pablo Iglesias.
Categoría:Gubierno Ascaso Categoría:Muertos en Zaragoza Categoría:Naixius de Fuents de Xiloca Categoría:Politicos d'Aragón Categoría:Periodistas d'Aragón Categoría:Politicos d'o Partido de los Socialistas de Aragón Categoría:Politicos d'o Partido Socialista Obrero Español Categoría:Sindicalistas d'Aragón Categoría:Sindicalistas d'a Unión General de Trabajadores Categoría:1909 (naixencias) Categoría:1991 (muertes)