Iste articlo ye sobre una ciudat estausunidense en Illinois; ta atros usos, se veiga Chicago (desambigación).
Chicago ye una ciudat estausunidense situada en o estau d'Illinois y condau de Cook (en ye a suya capital).
A suya población ye de 2.853.114 habitants (2007) en una superficie de 606,2 km², con una densidat de población de 4.679,41 hab/km². Ye asinas a tercera ciudat d'Estaus Unius por o suyo numero d'habitants, dezaga de Nueva York y Los Angeles. A suya aglomeración urbana tien una población de 8.711.000 habitants en una superficie de 5.498 km², y a suya aria metropolitana (Chicago-Naperville-Joliet, clamada Chicagoland), 9.785.747 habitants en 28.163 km².
Establida en 1770, Chicago plegó en o ran de ciudat o 4 de marzo de 1837. Ye actualment o segundo centro industrial d'o país, y tamién una d'as principals plazas financieras d'o mundo, a on se marca o precio d'o trigo y d'a soya.
Cheografía A localidat de Chicago se troba situada a 179 metros d'altaria sobre lo livel d'a mar, a l'este d'o estau d'Illinois, y a lo canto d'o laco Michigan, uno d'os Grans Lacos. Ye trescruzada por o río Chicago, que desaugua en o laco Michigan.
Cultura Universidaz En a ciudat de Chicago tienen a suya seu cuantas universidaz, en destacando la Universidat de Chicago (establida l'anyo 1890), la Universidat Northwestern (establida en 1851) y la Universidat d'Illinois, establida l'anyo 1867 y que destaca en l'ambito d'a incheniería y d'a Medicina, con cuantos d'os suyos profesors u antigos alumnos que han recibiu lo Premio Nobel de Fisiolochía u Medicina.
Cine En a ciudat de Chicago se i celebra cada anyada lo Festival Internacional de Cine de Chicago.
Esporte Escaicimientos esportivos En l'anyo 1959 estioron organizaus en a ciudat a III edición d'os Chuegos Panamericanos.
Chicago estió candidata ta organizar os Chuegos Olimpicos de 2016, estando eliminada en a primera ronda de votacions.
Localidaz achirmanadas 22px Accra (Ghana). 22px Ammán (Chordania). 22px Atenas (Grecia). 22px Belgrado (Serbia). 22px Birmingham (Reino Uniu). 22px Busan (Corea d'o Sud). 22px Casablanca (Marruecos). 22px Ciudat de Mexico (Mexico). 22px Delhi (India). 22px Durban (Sudafrica). 22px Gaillimh (Irlanda). 22px Göteborg (Suecia). 22px Hamburgo (Alemanya). 22px Kiev (Ucraína). 22px Lahore (Pakistán). 22px Lucerna (Suiza). 22px Melbourne (Australia). 22px Milán (Italia). 22px Moscú (Rusia). 22px Osaka (Chapón). 22px París (Francia). 22px Petah Tikva (Israel). 22px Praga (Republica Checa). 22px Shenyang (Republica Popular de China). 22px Toronto (Canadá). 22px Varsovia (Polonia). 22px Vilna (Lituania). 22px Xangai (Republica Popular de China).
Vinclos externos
City of Chicago, pachina web oficial municipal. Oficina de Turismo de Chicago. Pachina web oficial de l'Instituto d'Arte de Chicago.
Categoría:Chicago