Gottfried Wilhelm Leibniz, o Leibnitz (Leipzig (Alemanya), 1 de chulio de 1646 - Hannover, 14 de noviembre de 1716), estió un filosofo, cientifico, matematico, diplomatico, bibliotecario, y avogau alemán de linache sorabo.
En 1676 descubrió lo calculo diferencial y integral, independientment d'Isaac Newton. Fundó l'Academia d'as Ciencias de Berlín.
Leibniz ocupa un puesto important tanto en a Historia d'a Filosofía como en a Historia d'as Matematicas. Inventó lo calculo infinitesimal paralelament a Newton, y a suya notación s'emplega dende allora. Tamién inventó lo sistema binario, base tecnolochica d'os ordinadors actuals. A suya aportación mas important en Filosofía estió ta l'optimismo, a suya conclusión de que o nuestro universo ye, en un sentito restrinchito, lo millor posible que Dios podeba haber creyato. Leibniz estió, chunto con René Descartes y Baruch Spinoza, un d'os tres racionalistas mas importants d'o sieglo XVII.
Vinclos externos
Obras de Gottfried Leibniz en o prochecto Guttenberg.
Categoría:Filosofos d'Alemanya Categoría:Matematicos d'Alemanya Categoría:Muertos en Hannover Categoría:Naixius de Leipzig Categoría:1646 (naixencias) Categoría:1716 (muertes)