O pasau perfecto simple d'indicativo indica accions que s'han rematau en o pasau y que no son necesariament relacionadas con o estau de feitos d'a situación present.
En a evolución d'as luengas neolatinas ha entrau en competencia con o pasau perfecto composau y esta baralla s'ha resuelto de diferents trazas. En galaicoportugués y astur-leyonés ye a forma simple ha que ha desplazau a la forma composada. En francés y rumano ye a forma composada a que ha desplazau a la forma simple, de fueras d'o dialecto daco-rumano d'Oltenia.
L'aragonés y catalán presentan una clara deseparación d'os dos tiempos verbals, a l'igual que o castellano orichinal y normativo, manimenos en castellano septentrional y de muitas zonas d'America cada vegada ye mes estendillada a substitución d'a forma composada por a simple, a causa d'a influencia d'o gallego.
Pasau perfecto simple d'indicativo en aragonés
A forma que se considera mes cheneral en l'Alto Aragón ye:
Persona 1ª Conchugación 2ª Conchugación 3ª Conchugación 1ª Sing. Aduyé Debié Partié 2ª Sing. Aduyés Debiés Partiés 3ª Sing. Aduyó Debió Partió 1ª Plur. Aduyemos Debiemos Partiemos 2ª Plur. Aduyetc Debiez Partiez 3ª Plur. Aduyoron/Aduyón Debioron/Debión Partioron/Partión
O pasau perfecto simple presenta variants dialectals d'intrés. En aragonés oriental se fa servir o pasau perfecto perifrastico de tipo galorromanico que se fa con o infinitivo d'o verbo seguindo a lo present d'o verbo ir como auxiliar (pero con im e iz substituitos por vam y vaz).
Pasau perfecto simple en o francés
O pasau perfecto simple en francés (passé simple) expresa una acción acabada en o pasau. No se fa servir en o rechistro coloquial actual, restrinchindo-se o suyo emplego a la tercera persona en contextos literarios y historicos. Jacky Girardet, Jacques Pécheur: Écho, Méthode de Français - B1.1 2º édition'', Clé International, 2014, p 29.
Referencias
Categoría:Tiempos verbals