O pasau perfecto composau d'indicativo ye un tiempo verbal con aspecto perfectivo. Se troba en cualques luengas neolatinas y en luengas chermanicas como l'anglés (Past perfect) y l'alemán (Perfekt).
En as luengas neolatinas compite con o pasau perfecto simple d'indicativo, a lo cual ha substituyiu en francés y rumano. Manimenos en galaicoportugués y astur-leyonés ye o pasau perfecto simple o tiempo verbal que ha substituyiu a lo pasau perfecto composau.
En as luengas que como l'aragonés diferencian clarament estos verbos. A diferencia se veye en si o tiempo verbal se refiere a un intervalo de tiempo rematau u encara por rematar: Ahiere cené muit bien. Esta nueit he cenau muit bien.
Pasau perfecto composau d'indicativo en francés
Recibe a denominación de passé composé.
Persona Chanter Equivalencia en aragonés: Cantar 1ª Sing. J'ai chanté Yo he cantau 2ª Sing. Tu as chanté Tu has cantau 3ª Sing. Il a chanté, elle a chanté Él ha cantau, ella ha cantau 1ª Plur. Nous avons chanté Nusatros hemos cantau 2ª Plur. Vous avez chanté Vusatros hez cantau 3ª Plur. Ils ont chanté, elles ont chanté Él(o)s han cantau, ellas han cantau
Pasau perfecto composau d'indicativo en aragonés
Persona 1ª Conchugación 2ª Conchugación 3ª Conchugación 1ª Sing. He aduyau / aduyato He debiu / debito He partiu / partito 2ª Sing. Has aduyau / aduyato Has debiu / debito Has partiu / partito 3ª Sing. Ha aduyau / aduyato Ha debiu / debito Ha partiu / partito 1ª Plur. Hemos aduyau / aduyato Hemos debiu / debito Hemos partiu / partito 2ª Plur. Hez aduyau / aduyato Hez debiu / debito Hez partiu / partito 3ª Plur. Han aduyau / aduyato Han debiu / debito Han partiu / partito
Categoría:Tiempos verbals