L'asturiano occidental ye o conchunto de parlas d'o conchunto astur-leyonés que se charran en l'ueste d'Asturias, y que chunto con a parla d'as Arribes, as parlas d'o cabo occidental de Zamora y as parlas de l'ueste de Leyón forman l'astur-leyonés occidental. Son mes arcaizants y menos castellanizatas que l'asturiano central y pro que sí que l'astur-leyonés oriental.
Tamién se denomina asturiano occidental en cualques publicacions asturianas a tot l'astur-leyonés occidental, tanto o que se charra en Asturias como o que se charra en Leyón, Zamora y Portugal, (que reciben as denominacions de leyonés y mirandés
Fonetica Diftongación en -ia- -ua- d'as vocals breus latinas Ĕ y Ŏ. Caracter mixto d'as e, a y o en bel caso. Se mantienen os diftongos creixents -ei-, -ou-, que provienen d'os diftongos creixents latinos en -AI-, -AU-. Evolución de -aria- ta -iera. O sufixo latín -TŌRIU evoluciona ta -doiru, a diferencia de l'asturiano central y oriental, que lo mantienen como -doriu. Manimenos este caracter ha retaculau y ye desconoixiu en Teberga Rafael Lapesa: El dialecto asturiano occidental en la Edad Media. Universidad de Sevilla, 1998. p 35.. Este sufixo -doiru tienen cognatos en aragonés en a terminación arcaica -tuara/-tuera (polituara, emprenyatuara) y en os sufixos patrimonials -adero, -idero. COOPERTORIUM David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396., p 166-168. > Cobertoira ("cobertera"), que conserva a t sin sonorizar por no estar intervocalica. Pasadoira. As vocals finals -e y -o se cierran en -i y -u como ye normal en astur-leyonés.
Variants Diego Catalán clasifica as parlas asturianas occidentals en cuatre grupos: A, B, C y D, correspondendo o grupo D a lo paḷḷuezu, con una distribución que contina por o norte d'a provincia de Leyón.
En os grupos B y D o resultato d'a evolución d'os grupos latinos -LY-, -C'L- y -T'L- ye ch, como talment estió en l'aragonés d'as comunidaz aragonesas y d'as comarcas churras antes d'a castellanización final: mucher ("muller"), viecha ("viella"). A diferencia con as variants navarro-aragonesas debantditas ye que en o caso de l'astur-leyonés esta evolución ha estau dreitament dende o latín y sin influencia d'atras luengas.
Referencias
Bibliografía Rafael Lapesa: Historia de la lengua española. Editorial Gredos. (1981). Diego Catalán, Alvaro Galmés de Fuentes: Las lenguas circunvecinas del castellano, cuestiones de dialectología hispano-románica. Paraninfo.
Categoría:Parlas asturianas