A Junta General de Ganaderos de las Montañas estió una organización de ganaders d'o Pireneu aragonés. En o sieglo XVIII tenió muitas reunions en lugars d'a zona pirenenca central. Mantenió una actividat reivindicativa sobre os dreitos de paso y pastura d'o bestiar transhumant. Representaba una reacción montanyesa debant d'a puixanza d'a Casa de Ganaders de Zaragoza en Aragón.
En as vals d'o Pireneu os pastors y ganaders s'organizaban en chuntas, de traza que cadaguna d'as vals teneba una asemblea consuetudinaria de pastors. Un eixemplo en ye a "Junta y Casa del Valle de Broto", que mantién as suyas escrituras y chestiona l'admenistración d'os pastos.
Os montanyeses alcordoron pactos d'aduya mutua con lugars d'o semontano pa evitar a intrusión de ganaders forans, en especial de Zaragoza y estableixioron a Junta General de Ganaderos de las Montañas, documentata dende o sieglo XV en a Tierra de Chaca, encara que no i habió representants de Chaca en concreto.
En 1769 consideroron a posibilidat d'entrar a fer parte d'a Mesta Castellana, pero no lo facioron porque representaba pagar uns tribunals lentos y lexans a cambio de pastura en Andalucía y Extremadura.
Bibliografía Jose Luís Castán Esteban y Carlos Serrano Lacarra: Las transhumancias en la España mediterranea, historia, antropología, medio natural, desarrollo rural. CEDDAR
Categoría:Organismos ligaus a la ganadería