A V (uve, ve u ve baixa) ye a vintitresena letra de l'alfabeto aragonés y deciueitena consonant. Perteneixe tamién a l'alfabeto latino.
En os textos medievals en luengas romances d'a Peninsula Iberica no i heba diferenciación grafica entre a v y a u, y se feba servir una mesma grafía tanto si yera consonant como si yera vocal.
En aragonés En aragonés o grafema <b> representa o fonema fricativo bilabial sonoro, tanto en a suya realización oclusiva [b] como aproximant [β]. Seguntes as reglas ortograficas de l'Academia d'a Luenga Aragonesa se fa servir iste grafema en os siguients casos Ortografía de l'aragonés. AAL:
Cuan viene d'un etimo latino con <u>/<v> u <f>: aventar ([aβen'taɾ]), calivo ([ka'liβo]), vacivo ([ba'θiβo]), avogau ([a'βoɣaw]), vueitre ([bw'ejtɾe]), vomecar ([bome'kaɾ]), proveito ([pɾo'βejto]), visco (['bisko]), vetiello ([be'tjeʎo]), voda (['boða]), vinclo (['binklo]), vrioleta/violeta ([bɾjoleta]/[bjo'leta]). Cuan viene d'atros idiomas en que s'escribe con <v> u <w>: votura ([bo'tura]), vitesa ([bi'tesa]), vudú ([bu'ðu]); esparvero ([espar'βero]), vagoneta ([baɣo'neta]), vals ([bals]).
Singnificaus Una ve baixa feita con os ditos ye un simbolo de victoria. O numero 5 en a numeración romana. En fisica puet estar volumen, velocidat y en o Sistema Internacional d'Unidaz simboliza o Volt.
Referencias
Vinclos externos
Categoría:Alfabeto aragonés Categoría:Alfabeto latino