Florentino Azpeitia y Moros ye naixito o 13 de marzo de 1859 d'Ateca y morió en Madrit o 2 de chinero de 1934). Estió un naturalista polifacetico aragonés.
Tenió a sabelo de cargos academicos y cientificos, pero ye muito desconoixito en a historia d'a ciencia espanyola (talment por o suyo orichen aragonés), dica o punto que a Base de Datos mes important d'o mundo sobre abreviacions de botanicos (IPNI) lo tien con a suya filiación erronia.
Estió alumno d'o uescán Lucas Mallada. Tamién estió profesor de cheolochía y de paleontolochía d'a "Escuela de Ingenieros de Minas" de Madrit.
Teneba conoixencias de cheolochía, y participó en controversias cheolochicas, a mes de discusions sobre taxonomía, nomenclatura y identificación d'especies actuals y fosils. Destacó como especialista en malacolochía y diatomolochía, teneba coleccions muito grans, y publicaba monografías exaustivas, como a que fació sobre o chenero Melanopsis, que conoixeba bien por trobar-ne eixemplars aislatos en as auguas termals de Charaba y Alfama d'Aragón. Tamién li feba goyo l'analís bibliografico y epistemolochico.
Estió academico d'a Real Sociedad Española de Historia Natural y o suyo president en 1906. En a suya esfensa pa tener dreito a la cadiera de miembro leyó Significado y valor de las especies fósiles, como argumento en Geología para la clasificación y distinción de los terrenosReal Academia de Ciencias Exactas, Físicas y Naturales - Catálogo de Publicaciones - Discursos de recepción de Académicos
Referencias
Bibliografía Ramón Álvarez Halcón: [http://dialnet.unirioja.es/servlet/fichero_articulo?codigo=62188&orden=0 Aproximación a la vida y obra del naturalista Florentino Azpeitia Moros (1859-1934)]. Llull: Revista de la Sociedad Española de Historia de las Ciencias y de las Técnicas. Vol. 20, Nº 38, 1997 , pags. 7-58
Categoría:Naixius d'Ateca Categoría:Diatomologos d'Aragón Categoría:Incheniers d'Aragón Categoría:Malacologos d'Aragón Categoría:Paleontologos d'Aragón Categoría:Zoologos d'Aragón Categoría:Muertos en Madrit Categoría:1859 (naixencias) Categoría:1934 (muertes)