A batalla de Gallipoli u batalla d'os Dardanelos (en turco Çanakkale Savaşı u batalla de Çanakkale; en francés bataille des Dardanelles u batalla d'os Dardanelos; en anglés battle of Gallipoli u batalla de Gallipoli) ye una batalla d'o Frent Oriental mientres a Primera Guerra Mundial, organizata por os Aliaus ta controlar os Dardanelos, dentrar en a mar de Marmara y provocar a rendición de l'Imperio Otomán, que feba parte d'as Potencias Centrals, por meyo d'una acción combinata de l'Exercito y de l'Armata.
A campanya, que miraba asinas de plegar dica Istambul, prencipió o 19 de febrero de 1915 con bombardeyos navals Aliaus sobre as fortificacions turcas que cosiraban os accesos a l'estreito d'os Dardanelos, continó con desembarcos de tropas aliatas y remató con una redota d'os Aliaus, que albandonaron as suyas posicions, o 9 de chinero de 1916.
Mientres ista campanya, en emplegar-se muitas tropas con orichen en Australia y Nueva Zelanda (l'Australian and New Zealand Army Corps, ANZAC), se consolidó un sentimiento de pertenencia nacional en istas dos nacions.
Vinclos externos
Categoría:Batallas d'o Frent Oriental d'a Primera Guerra Mundial Categoría:Batallas d'Alemanya Categoría:Batallas d'Austria Categoría:Batallas d'Australia Categoría:Batallas de Francia Categoría:Batallas de Nueva Zelanda Categoría:Batallas d'o Reino Uniu Categoría:Batallas de Turquía Categoría:Batallas de 1915 Categoría:Batallas de 1916