A mar Tirrena (mar Tirreno en italiano) ye una mar con forma triangular d'a mar Mediterrania, que se troba situata entre as islas de Corcega y Cerdenya a l'este, a isla de Sicilia a o sud y a peninsula italica a l'este. Se comunica a o sud-este con a mar Chonica por meyo d'o estreito de Mecina, y a o norte con a mar Ligur por meyo d'un estreito a on se troba a isla d'Elba, estreito dito canal de Piombino. A l'ueste se comunica tamién con a mar Ligur por meyo d'a Canal de Corcega entre ista isla y Cerdenya. Tamién muga con a mar Mediterrania a o sud-ueste, por meyo d'una ampla ubertura entre Cerdenya y Sicilia.
A suya fondura maxima ye de 3.731 metros, con una fondura meya d'alto u baixo 2.000 metros. A mas d'as grans islas de Cerdenya, Corcega y Sicilia, se hi troban a isla d'Elba, as islas Pontinas, a isla d'Ischia, a isla de Capri, as islas Eolicas y as islas Egatas.
Tirrena