Svante Pääbo (Estocolmo, 20 d'abril de 1955) ye un biologo sueco, especialista en chenetica evolutiva. Naixió en 1955 en Estocolmo y obtenió lo suyo doctorato en a Universidat d'Uppsala en 1986. Dende 1997, ye o director d'o Departamento de Chenetica d'o Instituto Max Planck d'Antropolochía Evolutiva en Leipzig (Alemanya).
Treballo
En agosto de 2002, un equipo dirichito por Pääbo publicó una serie de descubrimientos sobre o «chen d'o lenguache», FoxP2, que ye ausent u se troba malmeso en algunas personas con discapacidaz fonoaudiolochicas.
Pääbo ye considerato un d'os fundadors d'a paleochenetica humana, ciencia que fa servir os metodos d'a chenetica pa estudiar os primers humans y atras poblacions de l'Antigüedat. En 2006, anunció un plan pa reconstruir o chenoma completo de l'hombre de Neandertal. En 2007, a revista TIME lo nombró una d'as 100 personas mas influideras d'ixe anyo.
En febrero de 2009, en a reunión anyal de l'American Association for the Advancement of Science (AAAS), se i anunció que o Instituto Max Planck d'Antropolochía Evolutiva, en colaboracion con a corporacion 454 Life Ciences, heba puesto enamplar o borrador d'a primera versión d'o chenoma d'o Neandertal, con mas de 3 billons de pars de bases secuenciatas, prochecto que heba gosato encabezar Svante Pääbo.
En marzo de 2010, Pääbo y os suyos companyers publicoron un informe sobre l'analís de l'ADN d'un ueso de dido trobato en as esplugas de Denisova, en Siberia, que os suyos resultatos sucheriban que perteneixeba a un miembro auxidito d'o chenero Homo encara no reconoixito y baltizato como hominido de Denisova.
Premios y reconoiximientos
En 1992, recibió lo premio Gottfried Wilhelm Leibniz d'a Deutsche Forschungsgemeinschaft, que ye lo mas gran honor concedito a investigadors y cientificos en Alemanya. Pääbo fue esleyito miembro d'a Reyal Academia d'as Ciencias de Suecia en 2000.
En octubre de 2009, a Foundation For the Future entregó a Pääbo lo Premio Kistler por o suyo treballo en a extracción y secuenciación d'ADNs antigos.
Vinclos externos
Pachina academica principal d'Svante Pääbo Publicacions d'Svante Pääbo en PubMed
Pääbo Pääbo Pääbo