Fernando Esteso (nombre artistico de Fernando Julián Esteso Allué), naixiu de Zaragoza (Comarca Central, Aragón) o 16 de febrero de 1945 y falleixiu en Valencia (Comarca de Valencia, País Valenciano) l'1 de febrero de 2026, Muere Fernando Esteso, popular cómico y actor del destape, a los 80 años, en El País, 1 de febrero de 2026. estió un actor, cantaire, director cinematografico y guionista aragonés, activo en o teatro espanyol dende meyaus d'os anyos 1960 y en o cine espanyol dende primerías d'os anyos 1970. En cuantas d'as suyas cintas treballó con l'actor Andrés Pajares y con o director Mariano Ozores, destacando por os suyos papels en o cine erotico (o "cine de destape" que mas que mas se feba en ixe inte en o cine espanyol) y humoristico espanyol de zaguerías d'os anyos 1970 y primerías d'os anyos 1980. Tamién tenió un cierto exito como cantaire humoristico. As suyas cancions mes conoixidas estioron El Bellotero (chuego de parolas con La Bella Otero) y La Ramona.
D'entre la suya filmografía, se puet destacar cintas como Los bingueros (1979, Mariano Ozores), Yo hice a Roque III (1980, Mariano Ozores), Todos al suelo (1981, Mariano Ozores), El currante (1983, Mariano Ozores), La Lola nos lleva al huerto (1984, Mariano Ozores), u ¡Qué tía la C.I.A.! (1984, Mariano Ozores).
O 6 d'agosto de l'anyo 2010 fue premiau con o Golden Farton en o tercer Freak Film Festival de Valencia, Fernando Esteso, el más friki, en Heraldo de Aragón, 6 d'agosto de 2010. on li rindioron homenache, y en l'anyo 2016 recibió o Premio Simón d'Honor concediu por l'Academia d'o Cine Aragonés por a suya carrera cinematografica.
Su pai yera l'empresario teatral Lázaro Esteso.
Filmografía Fernando Esteso en Internet Movie Database. Actor