María Luisa Larraga Cacho, (Zaragoza, 10 d'aviento de 1970) ye una atleta aragonesa especializata en cursas de fundo y medio fundo. Fue internacional con o equipo nacional espanyol 31 vegatas dende l'anyo 1996 dica o 2006. Tien en l'actualidat os récords d'Aragón de 3.000, 5.000, 10.000 m lisos, 1/2 maratón y maratón. Récords d'a Federación d'Aragón en a pachina web d'a Federación Aragonesa d'atletismo. Os suyos equipos estioron o CN Helios (1988-1992) o New Balance AC (1994-1996), o Adidas RT (1997-2003), o Puma Chapín de Jerez en o 2004, At. Olímpo (2005-2008) y o Scorpio-71 dende 2009 dica l'actualidat.
Entre as suyas clasificacions destacan a victoria d'a maratón de Valencia y a medalla de bronce por equipos en o Campionato d'o Mundo de Meya Maratón en a suya edición de 1998 con l'equipo d'Espanya.
Referencias
Vinclos externos Dentrada en a GEA (Gran Enciclopedia Aragonesa). Perfil en a pachina web d'a RFEA.
Categoría:Campions d'Aragón de Campo a Traviés Categoría:Corredors de fundo d'Aragón Categoría:Récords d'Aragón d'atletismo Categoría:Naixius de Zaragoza Categoría:1970 (naixencias)