O Parque del Tío Jorge ye un d'os mas amplos de Zaragoza. Situato en o districto d'a marguin ezquierda, tien una superficie total de 151.538 metros cuadratos y una forma de trapezoide tallato por un d'os suyos cantos. Ye adedicato a Jorge Ibor y Casamayor mas conoixito como "Tío Jorge", heroi d'os Seches de Zaragoza.
Historia thumb|180px|Molimento a o Tio Jorge|left O primer prochecto d'o parque fue presentato en 1908. Teneba como obchectivo creyar un espacio publico ta plenar a intersección urbana entre o barrio d'o Picarral y as vías ferroviarias. Manimenos, a construcción definitiva d'o parque no s'encetó dica cuasi zaguerías d'a decada de 1960. A inauguración se fació o 22 de chunio de 1968.
Descripción O punto central d'o parque ye o monumento adedicato a o Tío Jorge, una estructura de fierro de decisiet metros de altaria en cual base se troba una estatua d'o Tío Jorge de 2,3 metros d'altaria feita por Ángel López Orensanz en piedra d'Alicant.
Atro d'os puestos mas importants d'o parque ye a balsa, una laguna artificial inaugurata en 1973 trescruzata por un puent que leva enta una chicota isleta artificial en o suyo centro.
Un d'os prencipals atractivos d'o parque ye a suya variedat d'árbols, y mas que mas a gran cantidat de aus presents en o parque, como chuz, papirrois, calderers u garzas.
Se veiga tamién Tío Jorge.
Vinclos externos Articlo d'a DPZ sobre o parque d'o Tio Jorge
Tio Jorge