Este articlo tracta sobre Mierla, aldeya de la Comunidat de Daroca de l'actual termin de Uellos Negros. Pa atros usos de lo toponimo Mierla, veyer Mierla (desambigación).
Mierla estió una aldeya medieval situata en lo termin municipal de Uellos Negros.
Cheografía Yera situata en lo cabo este de lo termin municipal de Uellos Negros a man de la muga con los termins de Villafranca y de Mont-reyal, on encara huei se troban los toponimos Venta de Mierla y Dehesa de Mierla.
Historia Mierla perteneixió a la Orden d'Alcalá de la Selva. Lo 12 d'octubre de 1375 la orden vendió Mierla a Chuan Ferrández d'Heredia chunto con Alcalá de la Selva. En l'anyo 1401 lo gubernador d'Aragón y procurador de Chuan Ferrández d'Heredia Chil Roiz de Lihori vendió Mierla y las saleras de Ferrera de Uellos Negros a la Comunidat de Daroca.
L'aldeya ya yera despoblata en lo sieglo XIV. Manimenos en 1930 la Venta de Mierla yera un nuclio habitato de Uellos Negros, como casa de labor.
Bibliografía Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38. Revista Teruel
Categoría:Lugars desapareixius de Uellos Negros Categoría:Despoblaus medievals d'a provincia de Teruel