Sheila Herrero Lapuente, naixida o 28 de chunio de 1976 de Zaragoza, ye una esportista aragonesa hue retirada del esporte de alta competición que competía en patinache de velocidat sobre ruedas.
Considerata una d'as millors patinadoras d'o mundo en a modalidat de patinache de velocidat sobre ruedas, Sheila se retiró d'as competicions en octubre de 2003, a la edat de 27 anyos, deixando dezaga d'ella un palmarés estelar. Os suyos 15 títols en campionatos d'o mundo la convertioron en a esportista d'o Estato espanyol con mes trunfos mundials, per debant d'o motociclista Ángel Nieto. Conta antimés con 88 títols en campionatos d'Espanya y 36 en campionatos d'Europa, habendo trunfato 49 veces en competicions internacionals.
A clamata "Chitana Dorata", filla de pais tamién patinadors, s'adedicó dende bien chiqueta a lo patinache. A lo largo d'a suya carrera, Sheila recibió numbrosos reconoiximientos y importants destincions d'as mes altas institucions aragonesas y espanyolas. En l'inte d'o suyo abandono d'as competicions, Sheila confirmaba o suyo deseyo de continar relacionata con o patinache, a la vegada que o suyo intrés per o mundo d'o disenyo y a moda.
O premio d'a Fiesta d'o Patín d'Hipercor, a primera d'as cuals se realizó l'abril de 2004 en Zaragoza, leva per nombre Gran Premio Sheila Herrero.
Trunfos prencipals 1994 Campiona d'o Mundo en 1.500 metros en Gujan-Mestras (Rechión de Nueva Aquitania, Francia) 1996 Campiona d'o Mundo en 5.000 metros en Padua (rechión de Venecia, Italia) 1998 Campiona d'o Mundo en 5.000 metros en Pamplona (Navarra) 1999 Campiona d'o Mundo en relevos a l'americana, maratón, 5.000, 10.000 y 15.000 metros en Santiago de Chile (Chile) 2000 Campiona d'o Mundo en 5.000 y 10.000 metros en Barrancabermeja, (estato de Santander, Colombia) 2001 Campiona d'o Mundo en 5.000 e 10.000 puntuación/eliminación, 15.000 y maratón en Valance d'Agen (rechión d'os Pireneus, Francia) 2002 Medalla d'oro en a modalidat d'os 10.000 metros combinata d'os Campionatos d'o Mundo de Patinache de Velocidat en pista, en Ostende (Flandres, Belchica) Medalla de plata en a modalidat d'os 15.000 metros combinata d'os Campionatos d'o Mundo de Patinache de Velocidat en pista, en Ostende (Flandres, Belchica) Campiona d'Espanya en 1.500 y 5.000 metros puntuación y 15.000 metros eliminación en Sansomendi, Vitoria (País Basco) Medalla de plata en 3.000 metros en linia y 5.000 metros puntuación, y de bronce en 10.000 metros eliminación, en a modalidat de circuito d'o Campionato d'Europa, en Granada (rechión Occitania, Francia) Campiona en 5.000 metros puntuación en pista y en 3000 metros linia, subcampiona en 10.000 metros eliminación en pista y medalla de bronce en encorredura per equipos 1.500 metros, en a modalidat de pista d'o Campionato d'Europa, en Granada (rechión Occitania, Francia, Francia) 2003 Medalla de bronce en os 10.000 metros puntuación d'o Campionato d'Europa, en Padua (Rechión de Venecia, Italia) 4 Récords mundials en 5.000 metros, o 5 de setiembre de 1998 en 10.000 metros, l'1 d'octubre de 1999 en 15.000 metros, o 2 d'agosto de 1998 en 42.000 metros, o 3 de noviembre de 1999
Vinclos externos Pachina oficial de Sheila Herrero.
Categoría:Naixius de Zaragoza Categoría:1976 (naixencias) Categoría:Esportistas de Zaragoza