Víctor Bailo Solana, naixito de Lecinyena (Monegros) o 16 d'aviento de 1914 y muerto en Zaragoza (comarca de Zaragoza) o 21 de marzo de 1975, estió un galerista aragonés, destacata figura d'a cultura en a ciudat de Zaragoza dende meyatos d'os anyos 1940 dica la suya muerte.
Víctor Bailo mercó a galería d'arte que heba ubierto en 1940 en Zaragoza Tomás Seral Casas y, en primeras con consellos que recibiba d'ixe galerista dende Madrit, y dimpués chestionando-la en forma independient, fació convertir-se ixe local en una librería, local de venta de discos y sala d'exposicions, a on se facioron exposicions y muestras d'a obra d'os prencipals artistas aragoneses u foranos, amás de muitos atros actos de relevancia artistica y cultural, en a que estió a primera galería d'arte d'a ciudat.
Vinclos externos Víctor Bailo Solana en a Gran Enciclopedia Aragonesa.
Categoría:Galeristas d'Aragón Categoría:Muertos en Zaragoza Categoría:Naixius de Lecinyena Categoría:1914 (naixencias) Categoría:1975 (muertes)