Luis Ángel Sánchez Pereiro, mas conoixiu como Lois Pereiro, naixiu de Monforte de Lemos o 16 de febrero de 1958 y muerto en A Coruña o 24 de mayo de 1996, "Dez anos da morte de Lois Pereiro", reportache en Vieiros en mayo de 2006. estió un escritor y poeta galego. En l'anyo 2011 se l'adedicó o Día das Letras Galegas."O Día das Letras do 2011 irá dedicado ao poeta monfortino Lois Pereiro", noticia en El Progreso o 26 de chuio de 2010."O Día das Letras 2011 estará adicado ao poeta Lois Pereiro", noticia en Vieiros, 26 de chunio de 2010.
Trachectoria Naixiu de Monforte de Lemos, de familia procedent d'o Incio. Estudió en o colechio d'os Escolapios, y prencipió a escribir con 15 anyos. Dimpués de rematar o COU marchó ta Madrid, a on prencipió Ciencias Politicas y Sociolochía. Dimpués d'una estada en Monforte traballando en a empresa familiar, adedicada a o vidre, tornó ta Madrid ta estudiar luenga anglesa, francesa y alemana. Astí establió a revista Loia chunto a Antón Patiño, Manuel Rivas y o suyo chirmán Xosé Manuel Pereiro.
En 1981 marcha a vivir ta Coruña, a on s'une a la revista La Naval. En iste periodo dentró en contacto con un grupo de poetas entre os que feguraban Xavier Seoane, Francisco Salinas Portugal u Xulio Valcárcel, fendo parti de cuantas antolochías como De amor e desamor (1984) y De amor e desamor II (1985), y colaborando en revistas como La Naval, Trilateral, Anima+l y Luzes de Galiza. Ista zaguera publicaría en 1997 os ueito capítols d'a novela curta Náufragos do Paradiso.
En 1983 y 1987 viachó chunto a Fernando Saco por Europa. Treballó como traductor d'alemán, francés y inglés de doblache de cintas y, mas que mas, de televisión tanto convencional (episodios de Dallas y Kung Fu) como porno. Una vida de conspiración. La Opinión Coruña. Mato, M. 20/3/2011 Unha discográfica de Sarria publica a vida de Lois Pereiro en fotos e sons. Galiciaé. 3/2/2011. Jaureguizar
Publicó dos poemarios en vida, Poemas 1981/1991 (1992) y Poesía última de amor e enfermidade (1995). En 1996, anyo d'a suya muerte, amaneixe Poemas para unha Loia, que reculle obras d'a epoca madrilenya, publicadas en a revista Loia, y que incluye l'asayo Modesta proposición para renunciar a facer xirar a roda hidráulica dunha cíclica historia universal da infamia, publicau en o nº 27 de Luzes de Galiza.
Respective a las causas d'a muerte de Pereiro, atamas d'estar malauto de sida, estioron un cumulo de dolencias que rematoron con una insuficiencia hepatica. Oficialment y seguntes una sentencia de l'Audiencia Provincial de Lugo, dimpués d'un pleito ta que o Estau bosase o suyo entierro, o motivo d'a suya muerte estió una intoxicación por aceite de colza desnaturalizau. Ficha de l'autor en Mundolois.gl.
Reconoiximiento En as zagueras anyadas, se veniba reivindicando que s'adedicase o día das Letras Galegas a iste poeta monfortino. En o marco d'ixa campanya se sitúa una reedición d'a suya obra poetica, traducida ta o castellano, catalán y basco, en chunto con os textos orichinals en galego."Todo o que desprezamos na literatura galega poñémolo fronte a Lois Pereiro para que el o ataque"Lois Pereiro, a encarnación dunha xeración.
A la fin, o 26 de chunio de 2010 a Real Academia Galega publicó a suya decisión d'adedicar-le o Día das Letras Galegas de 2011. L'Academia apreció:
En parolas d'o escritor y miembro d'a Real Academia Galega Manuel Rivas:
Eixemplo d'a suya lirica Contino se troba un paragrafo d'uno d'os suyos poemas, epitafio gravau en piedra en a suya fuesa en Santa Cristina do Viso (O Incio):
"Cuspídeme enriba cando pasedes por diante do lugar onde eu repouse, enviándome unha húmida mensaxe de vida e de furia necesaria". (Lois Pereiro)
Obra 1992: Poemas 1981/1991. 1995: Poesía última de amor e enfermidade. 1997: Poemas para unha Loia. 2010: Conversa ultramarina. 2011: Náufragos do Paraíso. 2011: Antoloxía. 2011: Modesta proposición e outros ensaios. 2011: Obra poética completa. 2011: Obra completa (edición bilingüe).
Se veiga tamién
Bibliografía Patiño, A.: Lois Pereiro. Radiografía do abismo. Espiral Maior, 2010. . Souto, X., Braxe, L., Pereiro, X.M.: Lois Pereiro. Fotobiografía sonora. Ouvirmos, 2010. Calvo, J.L., Gegúndez, C.: O negro leite da aurora. Viaxe á xeografía lírica de Lois Pereiro. Toxosoutos, 2011. Calveiro, M.: Lois Pereiro: náufrago do paraíso. Biografía e Antoloxía. Xerais, 2011. Lopo, A.: A palabra exacta. Biografía de Lois Pereiro. Galaxia, 2011. Martínez, I.: Lois Pereiro. Vida e obra. Xerais, 2011. Queixas, M.: Lois Pereiro. A urxencia poética dun futuro alleo. Laiovento, 2011.
Vinclos externos Web oficial de Lois Pereiro. Pachina de recursos da CGENDL. "Lois Pereiro, a encarnación dunha xeración", reportache de Aarón López en El Progreso. Biografía en a Praza das Letras. Biografía en a BVG. "La poesía bisturí de Lois Pereiro", articlo de Daniel Salgado en El País.
Referencias
Categoría:Escritors de Galicia Categoría:Escritors en gallego Categoría:Muertos en A Coruña Categoría:Naixius de Monforte de Lemos Categoría:Poetas de Galicia Categoría:1958 (naixencias) Categoría:1996 (muertes)