O rubidio ye un elemento quimico d'a tabla periodica de simbolo Rb y numero atomico 37. O rubidio, ye un elemento metalico tovo, de color blanco archent, d'o grupo d'os metals alcalins. O isotopo Rb-87 ye un isotopo natural d'o rubidio, licherament radioactivo. O rubidio ye altament reactivo, con propietaz parellanas a os atros elementos d'o grupo 1, como encender-se espontaniament en presencia d'aire.
Caracterosticas prencipals O rubidio ye un metal alcalín tovo, de color blanco archent brillant que s'empabona a escape en l'aire, muit reactivo (ye o segundo element alcalín mas electropositivo) y puet trobar-se liquido a temperatura ambient. Igual como os atros elementos d'o grupo 1 puet cremar-se espontaniament en presencia d'aire con flama de color violeta amarillenca, reacciona violentament con l'augua desprendendo hidrocheno y forma amalgamas con mercurio. Puet formar aliacions con l'oro, os atros metals alcalins, y alcalinoterrios, antimonio y bismuto.
Igual que os atros metals alcalins presenta un solo estato d'oxidación (+1) y reacciona con dioxido de carbonio, hidrocheno, nitrocheno, ixufre y halochenos. Con l'oxicheno forma a o menos cuatre oxidos: Rb2O, Rb2O2, Rb2O3, RbO2.
Referencias
Vinclos externos
Los Alamos National Laboratory US Geological Survey Office of Nuclear Energy, Science and Technology WebElements.com - Rubidio EnvironmentalChemistry.com - Rubidio
Categoría:Elementos quimicos Categoría:Metals alcalins