O chermanio ye un elemento quimico de numero atomico 32, y simbolo Ge que perteneixe a o grupo 14 d'a tabla periodica d'os elementos.
Caracteristicas prencipals Ye un metaloide solido duro, cristalín, de color blanca grisenca lustrosa, que conserva o brillo a temperaturas ordinarias. Presenta a mesma estructura cristalina que o diamant y resiste a os acidos y alcalins.
Forma un gran numero de compuestos organometalicos y ye un important material semiconductor emplegato en transistors y fotodetectors. A diferencia d'a mayoría de semiconductors, o chermanio tien una chicota banda prohibita (band gap) por o que responde de forma eficaz a la radiación infrarroya y puet emplegar-se en amplificadors de baixa intensidat.
Aplicacions As aplicacions d'o chermanio se veyen limitatas por o suyo alto coste y en muitos casos s'investiga a suya substitución por materials mas economicos. Entre os usos suyos se troban:
Fibra optica. Electronica: Radars y amplificadors de guitarras electricas usatos por musicos nostalchicos d'o sonito d'a primera epoca d'o rock & roll; aliacions SiGe en cercuitos integratos d'alta velocidat. Optica d'infrarroyos: Espectroscopios, sistemas de visión nocturna y atros equipos. Lentes, con alto index de refracción, d'anglo amplo y ta microscopios. En choyería s'usa l'aleyación Au con un 12% de chermanio. Como elemento ta endurecer l'aluminio, magnesio y estanyo. En quimioterapia. O tetracloruro de chermanio (GeCl4) s'usa com catalizador en a sintesi de polimers (PET).
Referencias
Categoría:Elementos quimicos Categoría:Metaloides Categoría:Semiconductors